John 15:27 - De Beebaa Dabu

²⁷ Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

John 15:27 Referans Kwoze

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

John 21:24

Deenei tangada agoago ne daalaa hagadonu ma de sisi ga daohi mee nei. Gai gidaadeu e iloo bolo ana mee ne tala hagadonu ni muna abodonu.

Luke 24:48

Gai go goodou de gau tala hagadonu o mee nei.

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 13:31

gai ia ne hakide ange gi dangada ne loomai madali ia i Galilee gi Jerusalem i hanu laangi lagolago, go gilaadeu e daalaa hagadonu ono dagodo ange gi dangada iainei.

Acts 4:33

Gai de gau tala ne duudagi de tala hagadonu dagodo de mouli age o Tagi Maolunga go Iesu i ssauaa laumalie. Gai de abodonu laumalie o de Maadua gu dagodo i olaadeu daha alodahi.

John 19:35

Gai taane ne gidee mee nei ne tala hagadonu mee nei, gai ana muna ni muna abodonu. Gai ia e iloo bolo ia e tala de muna abodonu, gi hagadonusia ai e goodou.

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

Mark 1:1

Deenei taamada de longo danuaa o Iesu Klisdo, Tama Daane a de Maadua.