John 15:24 - De Beebaa Dabu

²⁴ Noo au tee hai denga hegau hagalele mouli i olaadeu magavaa, tigi ai ange laa dangada ne haia, gai gilaadeu tee hagabaubau ina i delaadeu haisala. Aagai gilaadeu gu gidee donu agu hegau, gai goi kino huu i gimaau ma dogu Damana.

John 15:24 Referans Kwoze

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.

John 10:37

Noo au e dee hai hegau a dogu Damana, gai goodou e dee hagadonu donu au;

John 10:32

aagai Iesu ga hai ange gi gilaadeu, “Au gu hagaago adu gi goodou hegau danuaa lagolago mai i daho dogu Damana. Gai dee hee de hegau i mee nei, oodou ga maga ai naa au i hadu?”

John 9:32

Mai i taamada o henua i lalo, gai gidaadeu tigi langona, bolo gu dahi dangada ne huugea luu mada o tangada dee gide, mai i dono haanau.

John 7:31

Aagai ne soa dangada i de hagabuulingaa dangada laa ne hagadonusia ia, gai gilaadeu ga hagataba, “E aha, de Klisdo e lagolago ange naa ana hagailonga e hai, i dono masavaa e humai ai?”

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

Matthew 9:33

Gai ga hano gee huu de hagasaalunga baubau mai i daho taane laa, gai ia gu basa; gai dangada alodahi gu llele mouli ga hagataba, “Tigi ai donu mee bee nei ne gidee i magavaa o de gau Israel.”

Deuteronomy 5:9

Aude daumaha ange gi gilaadeu, aabe gi hai hegau ange gi gilaadeu, i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada, o dangada e kino i de au,

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

2 Timothy 3:4

gilaadeu e hagabaubau dangada, e moolau olaadeu lodo, e hagamaolunga, gai e kii ange de llodo e hai olaadeu mee e malangilangi ai, i delaadeu aaloha i de Maadua;

Romans 1:30

ni dangada hai samu, ma de kino i de Maadua, ma teai se hagadubu i olaadeu daha, ma de llodo maolunga, ma de pasa hagassoenga, ma de hagahale age mee baubau, ma tee hagallongo ange gi denga maadua,

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

John 12:45

Tangada gu gidee au gu gidee donu hogi de ia ne haia au gi humai.

John 6:36

Aagai e bei dagu hai gu tala adu ai gi goodou: goodou gu gidee au, aagai goodou e dee hagadonusia.

Luke 24:19

Ia ne ssili ange gi gilaau, “Ni aha gu hai?” Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi.

Mark 2:12

Gai taane laa ga hidi age i de masavaa laa donu huu ga saabai dono moenga, ga sao ga hano i madamada o dangada alodahi. Gai dangada alodahi gu llele mouli, ga tuhi de Maadua ga hagataba, “Gidaadeu tigi gidee donu dahi hegau bee nei!”

Matthew 21:32

Go hiidinga a John ne humai e hagaago adu gi goodou de haiava o de heohi, aagai goodou tee hagadonusia ana muna; gai dangada e hagabudulia taagisese ma denga haahine hai be ni manu ne hagadonusia ana muna. Goodou ne gidee donu hogi ana hegau ne hai, gai goodou tee daahuli oodou lodo aabe ne hagadonusia ana muna.

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Proverbs 8:36

Aagai be goai e dee gidee au e hagaduasala donu huu ia, gai gilaadeu alodahi e kino i de au, e llodo donu i de magau.”

Psalm 81:15

Dangada e kino i Tagi Maolunga e maatagu naa i de ia, gai delaadeu hagaduasala e dee ngado mai donu.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

John 12:10

Gai de gau haimeedabu maolunga gu nnoho hogi e sala delaadeu hai e daa ai Lazarus gi magau,

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

John 15:21

Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

John 15:22

Noo au tee humai ga tala ange muna nei gi gilaadeu, gai gilaadeu e dee haisala. Aagai iainei gilaadeu gu dee maua i de hagaheohi olaadeu haisala.

John 15:23

Tangada e kino i de au, e kino hogi i dogu Damana.

John 16:9

dagodo o de haisala, i hiidinga gilaadeu e dee hagadonu au;