John 15:20 - De Beebaa Dabu

²⁰ Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 15:20 Referans Kwoze

2 Timothy 3:12

Gai dangada alodahi e llodo e haia lodo o de Maadua i daho Klisdo Iesu e vaivai haia naa donu,

John 13:16

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

Matthew 10:24

Gai tangada e agoago i daho dahi e dee maolunga ange i dono dangada agoago. Gai tangada hai hegau e dee maolunga ange i dono dangada aamua.

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

2 Corinthians 4:9

gimaadeu ne vaivai haia, aagai tee dilia donu; gimaadeu ne hagaduasala ina, aagai tee maakau;

1 Corinthians 4:12

Gimaadeu e hai hegau kona i omaadeu lima. De masavaa a dangada e hagamalaia ai gimaadeu, gai gimaadeu e hagamanuuia gilaadeu; de masavaa omaadeu e vaivai haia ai, gai gimaadeu e llodo mmahi;

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

Luke 6:40

Tangada e hagaskuulu i daho dahi e dee maolunga ange i dono dangada agoago; aagai tangada gu honu danuaa dono hai ne agoago ai e bei naa dagodo o dono dangada agoago.

1 Thessalonians 2:15

aanei hogi gilaadeu ne daia ga magau Tagi Maolunga go Iesu ma denga pelaabisi, aama de alualu gimaadeu gi hulo. Gilaadeu tee hagamalangilangi de Maadua, aama de hai baasi ange gi dangada alodahi!

John 10:31

Gai de gau Ssuu ne poo age hogi denga hadu e maga ai ia,

John 11:57

Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

John 7:32

Gai ga langona huu e denga Pharisee muna a dangada e pasa ai laa, gai gilaadeu ma de gau haimeedabu maolunga ga hai gi hulo hanu dangada hagaloosi gi boogia Iesu.

John 5:16

Deenei de hiidinga a de gau Ssuu ne vaivai hai ai laa Iesu, go hiidinga ia ne hai mee nei i de laangi o Sabbath.

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

1 Samuel 8:7

Gai Tagi Maolunga ga hai ange, “Hagassula ina muna alodahi a dangada gu tala adu gi de goe; go hiidinga gilaadeu e dee kino i de goe, aagai gilaadeu e kino donu i de hai au go delaadeu hodooligi.

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Mark 10:39

Gilaau ne hai ange gi de ia, “Gimaau e maua.” Iesu ne hai ange gi gilaau, “Gooluu e unu naa donu i de ubu oogu e unu ai, ma de babudaisi i de babudaisi oogu gu babudaisi ai,