John 15:2 - De Beebaa Dabu

² Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

John 15:2 Referans Kwoze

Matthew 3:10

Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.

Matthew 15:13

Iesu ne hai ange, “Manu ssomo hugadoo e dee go dogu Damana ne dooa e odi naa donu i de unuunusi age.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

John 15:8

Deenei de mee e hagamahamaha ai dogu Damana, go doodou hhua lagolago, e hagaago mai ai bolo goodou ni dangada agoago donu niiagu.

Matthew 13:12

Go hiidinga be goai e hanu ana mee, gai e gaavange donu gi kii ange de lagolago ana mee. Gai be goai e deai ana mee, aagai e kave gee donu momo mee e hanu i ono daha.

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Matthew 21:19

Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

De Beebaa go Job 17:9

Gai tangada heohi e daudali naa i de mee heohi, gai tangada gilimalali e hagadaga ange naa de mmahi.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

Luke 8:13

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

Malachi 3:3

Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga,

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

1 Corinthians 13:1

Noo au e maua i de basa i hagadaagangaa muna a dangada aabe go muna a de gau de langi, aagai e deai se aloha i ogu daha, gai au e bei dagodo o de baalanga e hagalongaa laa, aabe go de cymbal e hagailiili laa.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Matthew 13:33

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei mee hagahua a dahi hahine e kave laa, ga hilo ange gi e dolu hagabaaunga pelaoaa mada, ga dae ai gi de hhua mee laa alodahi.”

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.

Isaiah 27:9

Deenei de hai e degi ange ai gi baubau o Jacob; gai deenei de hai e aau gee ai ono haisala alodahi: i de masavaa aana e oha ai denga hadu alodahi o denga mommee o ssigidaumaha ga hai gu bei lehu, gu deai donu duludulu laagau o Asherah e doe, aabe ni mommee o ssigidaumaha o mee maanongi e tuu.

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Matthew 7:19

Manu ssomo alodahi e dee maua gi hhua e sele donu ga tili ange gi lo te ahi.

Matthew 25:29

Go hiidinga tangada e hanu ana mee e gaavange gi kii ange de lagolago ana mee; gai tangada e deai ana mee, e kave gee donu momo mee e hanu i ono daha.

Mark 4:20

Hanu e bei denga golee ne too ange laa gi honga de gelegele danuaa; gilaadeu ne langona muna laa ga daohi i olaadeu lodo, gai gilaadeu gu hhua: hanu e dagimatolu, hanu e dagimadaono, gai hanu e dagillau.”

John 15:1

“Go au de grapevine abodonu, gai dogu Damana go de ia hai veelenga.

John 15:3

Goodou gu lava i de hai ma gu gilimalali, i hiidinga o agu muna gu tala adu ai goodou.

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.