John 14:9 - De Beebaa Dabu

⁹ Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 14:9 Referans Kwoze

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

John 12:45

Tangada gu gidee au gu gidee donu hogi de ia ne haia au gi humai.

John 14:7

Noo goodou gu iloo au, gai goodou gu iloo donu hogi dogu Damana. Dua iainei gai goodou gu iloo donu ma de gidee ia.”

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

John 10:30

Gimaau ma dogu Damana e dahi donu huu.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Philippians 2:6

ia go de Maadua donu, gai ia tee maanadu donu bolo dono bei dagodo de Maadua se mee e daohi,

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

Mark 9:19

Aagai Iesu ne basa ange ga hai ange gi gilaadeu, “Goodou se atangada e dee hagadonusia! Dee hee maa taulooloa dogu noho i oodou daha? Dee hee maa taulooloa de golomagi ogu lodo i goodou? Gaamai ia gi ogu daha!”

Luke 12:56

Goodou ni dangada e daahangadia dangada! Goodou e tonu ange gi dagodo mee o henua i lalo ma de langi, aagai goodou e dee tonu ange gi dagodo o de masavaa go iainei?

1 Corinthians 15:12

Gai noo gimaadeu ne tala bolo Klisdo ne mouli age mai i de magau, gai dee hee de hai a hanu goodou e hagataba ai naa, bolo e deai donu se mouli age o de gau maakau?

Jeremiah 2:23

Gai dee hee dau hai e hagadaba ai naa, ‘Au e dee hakino gee donu; au tigi daudali ange donu i Baal’? Galo ange diiloo au mee e hai i lo te geelonga, gai hagasaelea dagodo o au hegau. Koe e gemo i de savini saele bei dagodo o dahi gamelo hahine,

Psalm 11:1

Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?

Genesis 26:9

Gai Abimelek ga aalu Isaac gi humai, ga hai ange, “De hine naa go doo bodu donu, gai gu aha gu hai mai ai laa goe bolo ia se daina hahine niiou?” Isaac ne hai ange, “Go hiidinga au ne maanadu bolo au e daia naa ga magau i ono hiidinga.”

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.