John 14:3 - De Beebaa Dabu

³ Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

John 14:3 Referans Kwoze

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

Acts 1:11

ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Romans 8:17

Gai noo gidaadeu gu ni dama donu, aagai gidaadeu gu dau i de boolonga o de Maadua madali Klisdo; noo gidaadeu e kave de hagaduasala madali Klisdo, gai gidaadeu e kave donu hogi de mahamaha madali ia.

John 14:28

Goodou gu langona dagu tala adu gi goodou, ‘Au ga hano gee nei mai i oodou daha, gai au e ahe mai naa donu gi goodou.’ Noo goodou e aaloha i de au, gai goodou e malangilangi donu i dogu ahe e hano gi daho Tamana, go hiidinga Tamana e maolunga ange i de au.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

2 Thessalonians 1:12

gai gi hagamahamaha ai de ingoo o taadeu Dagi Maolunga go Iesu i oodou mouli, gai goodou gu hagamahamaha i ono daha, i de abodonu o taadeu Maadua ma Tagi Maolunga go Iesu Klisdo.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

John 14:4

Gai goodou e iloo donu de haiava e hulo ai gi de mommee oogu ga hano nei aagena.”