John 14:28 - De Beebaa Dabu

²⁸ Goodou gu langona dagu tala adu gi goodou, ‘Au ga hano gee nei mai i oodou daha, gai au e ahe mai naa donu gi goodou.’ Noo goodou e aaloha i de au, gai goodou e malangilangi donu i dogu ahe e hano gi daho Tamana, go hiidinga Tamana e maolunga ange i de au.

John 14:28 Referans Kwoze

John 14:18

Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

John 13:16

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

1 Corinthians 11:3

Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua.

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

John 14:12

Ni muna abodonu, ni muna abodonu, aagu e hai adu nei gi goodou, tangada e hagadonusia ogu dagodo, e hai naa hogi hegau aagu gu hai nei; gai ana hegau e hai e kii ange naa donu de hagalele mouli i mee nei, i hiidinga au ga ahe nei gi daho Tamana.

John 10:38

gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.”

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Psalm 68:9

De Maadua, koe ne hai gi kona de bala de langi; koe ne hagammahi de henua o doo boolonga i de masavaa ne baageaa ai.

John 7:33

Gai Iesu ga hai ange gi dangada, “E bodobodo donu huu dogu masavaa e noho ai i oodou daha, gai au ga ahe ai loo gi daho de ia ne gaamai au gi humai.