John 14:24 - De Beebaa Dabu

²⁴ Tangada e dee aloha i de au, e dee daudali i agu muna. Oodou muna gu langona mai i ogu daha e dee niiagu donu, gai ni muna donu nii Tamana ne haia nei au gi humai.

John 14:24 Referans Kwoze

John 7:16

Iesu ne hai ange gi gilaadeu, “Agu agoago e dee niiagu donu, gai ni agoago nii de ia ne haia nei au gi humai.

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

John 8:42

Iesu ne hai ange gi gilaadeu, “Noo go de Maadua doodou damana, gai goodou e aaloha i de au, go hiidinga au ne humai donu i daho de Maadua. Au tee humai donu huu i de au, gai go ia ne haia nei au gi humai.

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

John 14:15

“Noo goodou e aaloha i de au, gai goodou ga daudali i agu hainga.

John 5:38

gai ana muna e dee daakodo i oodou lodo, go hiidinga goodou e dee hagadonusia de ia aana ne hai gi humai.

John 8:38

Au e tala adu gi goodou agu mee gu gide i daho dogu Damana, gai goodou e hai mee oodou gu langona i daho doodou damana.”

John 8:26

E lagolago agu mee e tala ai oodou dagodo ma de hagamodu ai oodou muna; gai de ia ne haia ngau gi humai go de muna abodonu, gai au e tala ange gi henua i lalo mee alodahi aagu gu langona mai i ono daha.”

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 7:28

Gai Iesu ga oo ga hagadaba i de masavaa oona ne agoago ai i de temple, “Goodou e iloo donu be au go ai, goodou e iloo hogi be go hee oogu ne humai ai? Au tee humai donu huu i dogu sauaa, gai de ia ne gaamai nei au gi humai go de muna abodonu, gai goodou e dee iloo donu ia.

Matthew 19:21

Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

John 14:25

Au gu tala adu mee nei gi goodou, i de masavaa oogu e noho ai i oodou daha.