John 14:23 - De Beebaa Dabu

²³ Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

John 14:23 Referans Kwoze

John 14:21

Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

John 14:15

“Noo goodou e aaloha i de au, gai goodou ga daudali i agu hainga.

1 John 2:24

Gai goodou daohia mee oodou gu langona mai i taamada. Noo goodou e daohi mee nei, gai goodou e noho i lodo o Tama ma Tamana.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

John 10:30

Gimaau ma dogu Damana e dahi donu huu.”

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

John 6:56

Be goai e gaina dogu angaanga ma de unu ogu dodo e noho donu i ogu lodo, gai au i ono lodo.

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

Genesis 1:26

Gai de Maadua ga hagadaba, “Gidaadeu ga hai tangada gi bei odaadeu hagadulagi ma odaadeu dagodo donu; gai gilaadeu ga dagi ai denga mamu i lausedi, ma manu llele i lo te moana i lunga, ma manu haangai, ma manu lodo henua alodahi, ma manu vaaligiligi e nnoho ma de tolo saele i honga de gelegele.”

Revelation 21:22

Gai au tee gidee dahi temple i lo te aduhale laa, go hiidinga de temple i kilaa go Tagi Maolunga de Maadua Mmahi Mmao laa aama Ssiibi Gauligi.

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

Revelation 22:3

Gai e deai ange naa donu mee e hagamalaia, aagai de nohoanga o de Maadua ma Ssiibi Gauligi go kilaa naa hogi iai, gai ono dangada hai hegau e daumaha ange naa gi de ia i kilaa.

Psalm 90:1

De Ia Aamua, gimaadeu e nnoho paba i oo daha i denga atangada alodahi.

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

John 14:24

Tangada e dee aloha i de au, e dee daudali i agu muna. Oodou muna gu langona mai i ogu daha e dee niiagu donu, gai ni muna donu nii Tamana ne haia nei au gi humai.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

John 16:27

e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.

Ephesians 3:17

gi noho ai Klisdo i oodou lodo i de gai, gai goodou gu hagamakaga ma de dagelo i de aloha,

1 John 2:5

aagai be goai e daohia ana muna, gai ni muna abodonu de aloha o de Maadua gu honu abodonu i ono daha. Deenei taadeu hai e iloo abodonu ai bolo gidaadeu e nnoho donu i ono lodo:

1 John 5:3

Gai deenei taadeu aloha i de Maadua, go taadeu daohi ana muna. Gai ana muna e dee hagadaemaha donu,

2 John 1:6

Gai deenei tagodo o de aloha, go taadeu daudali i ana muna gu tala mai. Gai deenei dana muna gu tala mai, bei doodou hai ne langona ai laa mai i taamada age: goodou seesee i de aloha.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.