Biblia Todo Logo
Bib sou entènèt

- Piblisite -




John 14:21 - De Beebaa Dabu

21 Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

Gade chapit la Kopi




John 14:21
43 Referans Kwoze  

“Noo goodou e aaloha i de au, gai goodou ga daudali i agu hainga.


Gai deenei taadeu aloha i de Maadua, go taadeu daohi ana muna. Gai ana muna e dee hagadaemaha donu,


aagai be goai e daohia ana muna, gai ni muna abodonu de aloha o de Maadua gu honu abodonu i ono daha. Deenei taadeu hai e iloo abodonu ai bolo gidaadeu e nnoho donu i ono lodo:


Gai deenei tagodo o de aloha, go taadeu daudali i ana muna gu tala mai. Gai deenei dana muna gu tala mai, bei doodou hai ne langona ai laa mai i taamada age: goodou seesee i de aloha.


Gai noo goodou e daudali i agu muna e tala adu gi goodou ailaa nei, ma de aaloha i Tagi Maolunga doodou Maadua, ga daumaha ange gi de ia, i oodou lodo alodahi aama oodou hagasaalunga alodahi,


e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.


Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”


Goodou ni soa donu niiogu, noo goodou e daudali i agu muna e tala adu gi goodou.


Tilo, au e duu i de haitoga ma e dugidugi ai. Be goai e langona dogu leo ga hhuge mai de haitoga, gai au ga ulu gi ono daha ga gaimee madali ia, gai ia madali au.


E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.


Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.


Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.


au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.


Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”


Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.


Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”


Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,


Tilo, e tae mai naa laangi, go Tagi Maolunga e hagadaba, aagu e hai ai dahi hagatoo donu hagaheloongoi hoou madali dangada o Israel ma dangada o Judah.


Ia e hagamahamaha naa donu au, ma de tala adu gi goodou ana mee ne kave mai i ogu daha.


Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.


Tagi Maolunga gi noho i daho doo hagasaalunga. Dono abodonu gi dagodo i oodou daha.


Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.


gai au ne gidee Tagi Maolunga e hai mai gi de au, ‘Hagamoolau hano gee i Jerusalem, go hiidinga dangada i kinei e dee hagadonu naa donu au muna e tala hagadonu ange ai au.’


Ne dolu hanonga aagu ne dangidangi ange ai gi Tagi Maolunga, ia gi aaua gee de mee nei mai i ogu daha.


Gai Moses ga hai ange, “Au e dangidangi adu, koe gi hagaagona mai gi de au doo mahamaha!”


Ia e aloha naa i goodou ma de hagamanuuia goodou, ga hai goodou gi hagadili gi soa. Ia e hagamanuuia naa oodou dama, ma manu ssomo i honga oodou gelegele — go oodou grain, ma oodou uvaini hoou ma oodou lolo — ma de hai oodou manu gi hagadili gi lagolago, ma dama a oodou ssiibi, i de henua aana gu hagatoo donu ange gi oodou dubuna madagidagi bolo e gaavadu gi goodou.


Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.


Ia ne hagaduu ngae ga daudali i Tagi Maolunga; ia tee huli gee donu i de ia, aagai ne kana ange ga daohi muna a Tagi Maolunga gu tala ange gi Moses.


Swiv nou:

Piblisite


Piblisite