John 14:19 - De Beebaa Dabu

¹⁹ E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 14:19 Referans Kwoze

John 16:16

“E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au.”

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

John 7:33

Gai Iesu ga hai ange gi dangada, “E bodobodo donu huu dogu masavaa e noho ai i oodou daha, gai au ga ahe ai loo gi daho de ia ne gaamai au gi humai.

John 11:25

Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau;

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

1 Corinthians 15:20

Aagai se muna abodonu Klisdo ne mouli age donu i de magau, go ia de hua i taamada i dangada gu maakau laa.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

John 12:35

Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai.

John 8:21

Iesu ne ahe ange hogi ga hai ange gi gilaadeu, “Au gu dai hano gee mai i kinei, gai goodou ga ssala naa au, gai goodou e maakau i lodo oodou baubau. Gai de mommee oogu e hano gi aagena, gai goodou e dee maua i de loadu aagena.”

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Acts 10:41

Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.