John 14:18 - De Beebaa Dabu

¹⁸ Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.

John 14:18 Referans Kwoze

John 14:3

Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

John 14:16

Gai au ga dangidangi ange naa gi Tamana, gai ia ga gaavadu ange gi goodou dahi Ia Bale gi noho i oodou daha ga hano ai,

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Hebrews 2:18

Go hiidinga ia ne kave de hagaduasala ma de hagatale, deelaa ai, ia e maua hogi i de bale ange gilaadeu e hagataalea laa.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Psalm 101:2

Au e dagitilo naa donu, gi dee haisala ai au; go aahee maa oou e humai ai gi ogu daha? Au e hai hegau naa i de lodo se muna abodonu i dogu hale.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Lamentations 5:3

Gimaadeu gu bei denga gauligi gu deai laa olaadeu damana; omaadeu dinana gu maakau olaadeu bodu.

John 16:16

“E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au.”