John 13:33 - De Beebaa Dabu

³³ Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

John 13:33 Referans Kwoze

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

1 John 5:21

Agu dama, goodou dagidiiloo gi dee daumaha ange goodou gi denga diinonga.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

Galatians 4:19

Agu dama, au gu ahe ange hogi ma gu mmae i oodou hiidinga, bei dagodo o de hine e hai ono hagalangona, ga dae ai gi de honu danuaa dagodo o Klisdo i oodou lodo!

John 7:36

Gai dee hee de hagadoonunga o ana muna nei, ‘Goodou e sala naa ngau gai goodou e dee maua gi gidee au,’ aabe ‘De mommee oogu e hano ai goodou e dee maua i de loadu aagena’?”

John 13:36

Simon Peter ne ssili ange gi de ia, “Tagi Maolunga, go hee oou ga hano naa aagena?” Iesu ne hai ange, “Iainei gai koe tigi maua i de daudali mai i de au gi de mommee oogu ga hano nei aagena, aagai koe e daudali mai naa i muli mai.”

John 14:2

E lagolago mommee noho i de hale o dogu Damana; gai noo e deai, gai au gu tala adu gi goodou, bolo au e hano e hagadabena dahi mommee moodou.