John 13:27 - De Beebaa Dabu

²⁷ Gai dua de gai a Judas tibaa pelaoaa laa, gai Satan gu ulu i ono lodo. Gai Iesu ga hai ange gi de ia, “Hagamoolau haia de hegau aau gu noho naa e hai.”

John 13:27 Referans Kwoze

Luke 22:3

Aagai Satan ne ulu gi lodo o Judas dahi ono ingoo laa go Iscariot, go dahi i magavaa o tinoangahulu ma dogolua.

John 13:2

Gai de masavaa huu o de gaimee i de ahiahi, gai de ia hagabaubau laa gu lava i de gaavange gi lodo o Judas Iscariot, tama daane a Simon, de lodo e gaavange Iesu.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

Matthew 12:45

Gai ia ga hano ga ssala ange e dogohidu hagasaalunga e kii ange laa de baubau i de ia, gai gilaadeu ga ulu ga nnoho i kilaa. Gai dagodo o tangada laa gu kii ange de baubau i muli mai. Gai aanei naa hogi dagodo o de atangada baubau nei.”

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Proverbs 1:16

go hiidinga e moolau donu delaadeu hai de baubau, gai e moolau hogi delaadeu daa dangada ga maakau.

Daniel 2:15

Ia ne ssili ange gi Ariok, go dahi dagi i lalo o de hodooligi, “Gu aha gu daa hagalele ai naa de hagailoo a de hodooligi?” Gai Ariok ga tala ange gi Daniel dagodo o mee gu hai.

Mark 6:25

Gai tamaa hine laa ga hagamoolau ga ulu gi daho de hodooligi ga dangidangi ange, ga hai ange, “Au e lodo koe gi gaamai de biho o John taane Babudaisi i honga de gumedi baabaa nei.”

Psalm 109:6

Hilia ange dahi dangada baubau gi hai baasi ange gi de ia, gai dahi ono hagadaumee gi hagabaubau ina ia.

1 Kings 18:27

Gai ga hualaangi huu de mee, gai Elijah ga hagammae manava gilaadeu, ga hai ange, “Goodou hevaalogi, go hiidinga ia se maadua! Agu made ia e noho ma e hagasaele hanu mee, be ia gu hano gi de hale i honga tai, be gu hano ma e hagadaga saele, aabe ia gu seni gai tigi alahage.”

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

John 13:28

Gai teai donu se gilaadeu e noho laa ma e gaimee ne iloo, be gu aha Iesu gu basa ange ai bee laa gi de ia.