John 13:21 - De Beebaa Dabu

²¹ Gai ga lava huu i dana tala muna nei, gai ia gu daemaha ono lodo ga hagadaba, “Ni muna abodonu, ni muna abodonu aagu e hai adu nei gi goodou, dahi goodou e gaavange naa donu au.”

John 13:21 Referans Kwoze

Matthew 26:21

De masavaa olaadeu e gaimee ai, gai ia ga hai ange gi gilaadeu, “Ni muna abodonu aagu e hai adu nei gi goodou, dahi goodou e gaavange naa donu au.”

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

Mark 14:18

Gai de masavaa olaadeu ne hakaogao ai i teebele e gaimee, gai Iesu ga hai ange gi gilaadeu, “Ni muna abodonu aagu e hai adu nei gi goodou, dahi goodou e gaavange naa donu au, go dahi dangada donu e gaimee nei madali au.”

John 12:27

“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei.

John 11:33

Gai ga gidee huu e Iesu Mary ma de gau Ssuu ne loomai madali ia e tangi, gai gu hagangalue ina ono lodo ma de daemaha.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

Acts 17:16

Gai de masavaa o Paul e noho ai ma e tali gilaau i Athens, gai ia gu daemaha ono lodo i dana gidee bolo de aduhale laa e honu i denga diinonga.

John 13:2

Gai de masavaa huu o de gaimee i de ahiahi, gai de ia hagabaubau laa gu lava i de gaavange gi lodo o Judas Iscariot, tama daane a Simon, de lodo e gaavange Iesu.

John 11:38

Gai Iesu gu kona ange hogi de daemaha ono lodo, ga hano gi taanunga; taanunga laa se haonga i lo te baba, gai e pono i dahi hadu.

John 11:35

Gai Iesu ga dangi.

Mark 3:5

Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi.

Matthew 26:38

Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagitilo ai madali au.”

John 13:22

Gai ana dangada agoago ga hagadau kalo ange, gilaadeu gu dee iloo be goai oona e basa ai laa.