John 13:19 - De Beebaa Dabu

¹⁹ Au e tala adu gi goodou mee nei iainei i mua de hai, gi hagadonusia ai e goodou bolo go au donu go ia, i de masavaa e hai ai mee nei.

John 13:19 Referans Kwoze

John 14:29

Au e tala adu mee nei gi goodou iainei i mua de hai, gi hagadonusia ai e goodou i de masavaa e hai ai.

Isaiah 43:10

E hagadaba Tagi Maolunga, “Go goodou ogu dangada hagadonu, gai go dogu dangada hai hegau aagu gu hili, gai gi iloo ai e goodou ma de hagadonu, aama de tonu ange bolo go au donu deenei. E deai ange donu se maadua gu humai i ogu mua, aabe se maadua e humai i ogu dua.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

Isaiah 48:5

Deenei ai, au ne tala adu mee nei madagidagi loo, gai au ne tala adu mee nei gi de goe i mua de hai, gi dee hagadaba ai goe, “Go dogu diinonga ne haia mee nei; gai go denga diinonga laagau ma diinonga baalanga ne hagasauaa ina mee nei.”

John 8:58

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

Matthew 24:25

Tilo, au gu tala adu gi goodou mee nei i mua de hai.

Matthew 11:3

gi siilia ange, “Go koe de ia gu tala laa bolo e humai, aabe gimaadeu e tali ange dahi dangada gee?”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

John 1:15

John ne tala hagadonu ono dagodo ga hagadaba, “Deenei de ia aagu ne tala laa bolo ia e humai i ogu dua, gai e maolunga ange i de au, go hiidinga ia gu dahi huu i mua dogu haanau.”

Luke 21:13

Gai deelaa naa doodou masavaa e tala hagadonu ai ogu dagodo.

Isaiah 41:23

Daalaa mai gi gimaadeu mee e loomai i muli mai, gi iloo ai e gimaadeu bolo goodou ni maadua abodonu. Haia hanu hegau danuaa aabe ne hegau baubau, gi manavasaa ai gimaadeu ma de maatagu.

John 4:26

Gai Iesu ga hai ange gi de ia, “Go au donu de Klisdo e basa adu nei gi de goe.”

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.