John 12:49 - De Beebaa Dabu

⁴⁹ Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai.

John 12:49 Referans Kwoze

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

John 8:26

E lagolago agu mee e tala ai oodou dagodo ma de hagamodu ai oodou muna; gai de ia ne haia ngau gi humai go de muna abodonu, gai au e tala ange gi henua i lalo mee alodahi aagu gu langona mai i ono daha.”

John 5:30

“Au e dee maua i de hai dahi mee i de au donu huu; gai au e hagamodu muna bei dagu hai gu langona ai laa i daho Tamana. Agu hagamodu e heohi, go hiidinga au e dee hai donu huu ogu lodo, gai au e hai gi bei lodo o de ia ne haia nei au gi humai.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.

John 14:31

aagai de gau i henua i lalo gi iloo bolo au e aloha i Tamana, gai au e hai donu gi bei mee a dogu Damana gu tala mai gi de au. Goodou hiihidi age, gidaadeu ga hulo.

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

John 8:42

Iesu ne hai ange gi gilaadeu, “Noo go de Maadua doodou damana, gai goodou e aaloha i de au, go hiidinga au ne humai donu i daho de Maadua. Au tee humai donu huu i de au, gai go ia ne haia nei au gi humai.

John 3:32

Gai ia e tala hagadonu ana mee gu gidee ma de langona; aagai e deai donu dangada e hagadonusia ana muna e tala.

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

John 7:16

Iesu ne hai ange gi gilaadeu, “Agu agoago e dee niiagu donu, gai ni agoago nii de ia ne haia nei au gi humai.

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 14:24

Tangada e dee aloha i de au, e dee daudali i agu muna. Oodou muna gu langona mai i ogu daha e dee niiagu donu, gai ni muna donu nii Tamana ne haia nei au gi humai.