John 12:42 - De Beebaa Dabu

⁴² Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue;

John 12:42 Referans Kwoze

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

John 9:22

Luoono maadua ne tala muna nei i hiidinga gilaau gu maatagu i dagi o de gau Ssuu; de gau Ssuu gu lava i de hagamodu bolo be goai naa huu e daalaa bolo Iesu go de Klisdo gu dee alaange i de ulu i lo te synagogue.

John 7:13

Gai teai donu se dangada daudahi ne daalaa gi langona e dangada soa ana muna, go hiidinga gilaadeu e maatagu i de gau Ssuu.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

1 John 4:2

Gai deenei doodou hai e madea ai de Hagasaalunga o de Maadua: denga hagasaalunga alodahi e daalaa hagadonu bolo Iesu Klisdo ne hai ga se dangada, se hagasaalunga mai i daho de Maadua;

Romans 10:10

I hiidinga tangada e hagadonusia i ono lodo e hai hogi ga heohi, gai tangada e daalaa hagadonu mee nei i dono ngudu e hagamouli.

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

John 19:38

Dua mee nei gai Joseph taane Arimathea ne dangidangi ange gi Pilate i de angaanga o Iesu. Joseph go dahi dangada agoago a Iesu, aagai ia tigi tala i hiidinga ia e madagu i de gau Ssuu. Gai Pilate ne dugu ange, gai ia ga kave gee dono angaanga.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

John 12:11

i hiidinga gu soa de gau Ssuu ne hulo ma gu dau ange gi Iesu ma de hagadonusia ia.

John 11:45

Gai e soa dangada Ssuu ne loomai laa madali Mary ga gidee e gilaadeu ana mee ne hai gu hagadonusia ia.

John 9:34

Gai gilaadeu ga hai ange gi de ia, “Koe se dangada e honu i de baubau mai i doo haanau, gai koe e humai e agoago mai gimaadeu!” Gai gilaadeu ga alualu ia gi hano gee mai i lo te synagogue.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

Luke 12:8

“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua.

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Jeremiah 38:19

Gai de hodooligi go Zedekiah ga hai ange gi Jeremiah, “Au e madagu i de gau Ssuu gu dau ange laa gi de gau Babylon, de gau Babylon kana poo au ga gaavange gi gilaadeu, gai gilaadeu ga vaivai hai au.”

Luke 23:13

Gai Pilate ne hagabuni de gau haimeedabu maolunga, ma dagi o dangada, aama dangada,

John 7:31

Aagai ne soa dangada i de hagabuulingaa dangada laa ne hagadonusia ia, gai gilaadeu ga hagataba, “E aha, de Klisdo e lagolago ange naa ana hagailonga e hai, i dono masavaa e humai ai?”