John 12:37 - De Beebaa Dabu

³⁷ Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia.

John 12:37 Referans Kwoze

Luke 16:31

Abraham ga hai ange gi de ia, ‘Noo gilaadeu e dee hagallongo muna a Moses ma denga pelaabisi, aagai gilaadeu e dee hagallongo naa hogi muna a dahi dangada gu mouli age laa mai i de magau.’ ”

John 15:24

Noo au tee hai denga hegau hagalele mouli i olaadeu magavaa, tigi ai ange laa dangada ne haia, gai gilaadeu tee hagabaubau ina i delaadeu haisala. Aagai gilaadeu gu gidee donu agu hegau, gai goi kino huu i gimaau ma dogu Damana.

John 1:11

Ia ne humai gi daho ono dangada donu, gai gilaadeu tee kave ia.

John 11:42

Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”

Matthew 11:20

Gai Iesu ne daamada de hagasee aduhale aana ne hai ai sauaa lagolago, go hiidinga gilaadeu tee daahuli olaadeu lodo.

John 2:11

Gai mee a Iesu ne hai laa i Cana i Galilee, go tahi hagailonga aana ne hai e hagaago mai ai dono mahamaha. Gai ana dangada agoago gu hagadonusia e gilaadeu ia.

John 6:2

Gai dangada soa mmao ne daudali ange i de ia ga hulo ai gi kilaa, i hiidinga gilaadeu ne gidee ana hagailonga ne hai ga hagaieiangi ai denga magi.

John 12:36

Goodou hagadonusia de maalama, i de masavaa o de maalama i oodou daha ai, gi ni dama ai goodou nii de maalama.” Gai ga lava huu i de tala a Iesu muna nei, gai ia ga hano gee i kilaa ga mmuni i gilaadeu.

John 12:38

De mee nei ne hai e hagassula ai muna a de pelaabisi go Isaiah: “Tagi Maolunga, goai ne hagadonusia amaadeu muna, gai goai a Tagi Maolunga gu hagaago ange aagena dono sauaa?”