John 12:32 - De Beebaa Dabu

³² Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

John 12:32 Referans Kwoze

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 3:14

Moses ne hagaduu age de labodo i de vao, gai Tama a Tangada e hagaduu age naa hogi,

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

John 6:44

E deai donu se dangada daudahi e maua i de humai gi de au, noo Tamana ne haia au gi humai e dee haia ia gi humai gi de au, gai au ga hagamouli age ia i de laangi hagaodi.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

1 Timothy 2:6

go de ia ne gaavange dono mouli e hagaola ai dangada alodahi — de mee nei ne gaamai e hagadonu ai de hagamouli a de Maadua dangada, i de masavaa heohi.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

John 1:7

Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna.

Hosea 11:4

Au ne dagi gilaadeu i de abodonu ma de lodo aloha ange gi gilaadeu. Au ne aau de laagau hagahai hegau i honga olaadeu ua, ma de ino iho ga haangai ange gilaadeu.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

John 19:17

gai ia ne saabai dono laagau lui ga hano ai, gi de mommee e hagaingoo ange laa go de Mommee o de Ivi o de Biho, gai muna Aramaic e hai ange bolo go Golgotha.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

2 Samuel 18:9

Gai denga daane o David ne gidee e gilaadeu Absalom. Ia ne gage i honga dahi donkey ma gu savini ai; gai de manu laa ne savini laa lalo dahi oak laumalie ma de laalaa ina, gai ono ngaangaaulu ne llave ange gi dahi laa o de manu laa. Gai ia gu daudau i lo te moana i kilaa, gai dana donkey gu savini ma gu hano.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

John 18:32

(De mee nei ne hai e hagassula ai muna a Iesu gu tala ai laa dagodo o dono hai e magau ai.)

Numbers 21:9

Gai Moses ga hai dahi labodo i bronze, ga hagalau ange gi ulu dahi laagau; gai de masavaa naa huu o dahi dangada e gaadia ai i dahi labodo hagammau laa, gai ia ga galo ange ga tilo de labodo bronze laa, gai ia gu dee magau.