John 12:20 - De Beebaa Dabu

²⁰ Gai e hanu hogi daane Greek ne loomai e daumaha i masavaa o Taonga.

John 12:20 Referans Kwoze

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Acts 8:27

Gai a Philip ga hano gu gidee e ia dahi daane Ethiopia, ia se eunuch, gai se daane hai hegau maolunga niio de hine hodooligi o Ethiopia go Candace, go ia e diiloo ange sseene a de hine laa. Gai ia ne hano gi Jerusalem ga daumaha ai,

Mark 7:26

De hine nei se hine Greek ne haanau i Syrophoenicia. Gai ia ne dangidangi ange gi Iesu gi haia gi hano gee de hagasaalunga baubau i daho dana damaa hine.

Galatians 2:3

Aagai gilaadeu tee hai hogi Titus, taane madali au, gai se daane Greek, gi tuu dagaholiage.

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 16:1

De masavaa huu o Paul ne dae ai gi Derbe ma Lystra, gai ia gu hedae ange gi dahi dama daane gu hagadonusia laa, dono ingoo go Timothy, dono dinana se hine Ssuu gu hagadonusia, aagai dono damana se daane Greek.

Acts 14:1

De masavaa o Paul ma Barnabas e nnoho ai i Iconium, gai gilaau ne hulo gi lo te synagogue ga agoago hagammahi ai, gai de gau Ssuu ma de gau Greek soa gu hagadonusia hogi.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

John 12:1

Gai ga ono huu laangi i mua Taonga Hagasili, gai Iesu ga hano gi Bethany, de aduhale o Lazarus, taane a Iesu ne hagamouli age laa i de magau.

John 12:19

Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”