John 12:2 - De Beebaa Dabu

² Gai gilaadeu ne hai ange dahi daonga gi Iesu i kilaa. Martha e duha denga gai, gai Lazarus e hakaogao i teebele madali ia.

John 12:2 Referans Kwoze

Revelation 3:20

Tilo, au e duu i de haitoga ma e dugidugi ai. Be goai e langona dogu leo ga hhuge mai de haitoga, gai au ga ulu gi ono daha ga gaimee madali ia, gai ia madali au.

Luke 22:27

Goai tangada maolunga, go tangada e hakaogao laa i teebele aabe go de ia e gaamai gai gi teebele? Gidaadeu e iloo bolo go de ia e hakaogao laa ma e gaimee. Aagai au e noho i oodou magavaa bei dagodo o tangada hai hegau.

Mark 14:3

De masavaa o Iesu e hakaogao ai ma e gaimee i teebele i de hale o Simon i Bethany, go taane nogo magi lebelaa i mua, gai dahi hahine ne humai ma dahi manu alabaster iai vai hagamanongi e hai i nard gai e hagao ngadaa mmao, gai ia ga hhoa de manu laa ga llingi ange gi honga dono biho.

Luke 14:12

Gai Iesu ne hai ange gi taane ne saalaa ange laa ia, “De masavaa naa huu aau e hai ai dahi gaimee i de ahiahi aabe se daonga, gai koe aude saalaa ange oo soa be go oo daina daane ma oo dangada, aabe go de gau lava e paa adu gi de goe; gilaadeu kana ssala adu hogi goe, e hagao adu ai goe.

Luke 12:37

E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai.

Luke 5:29

Gai Levi ne hai ange dahi daonga laumalie gi Iesu i dono hale; gai ne soa hogi dangada hagabudu taagisese ma dangada ange laa ne nnoho ga gaimee i teebele madali gilaadeu.

Matthew 26:6

De masavaa o Iesu e noho ai i de hale o Simon i Bethany, go taane nogo magi lebelaa i mua,

Song of Songs 4:16

De madangi mai i ngaiho, alahage! De madangi mai i ngaage, alahage! Ilihia honga dagu veelenga, gaavee dono maanongi gi daha. Haia gi humai dogu dau soa gi lo tana veelenga, gi mamia ange ai ono huamanu danuaa.