John 11:6 - De Beebaa Dabu

⁶ Aagai dana masavaa huu ne langona ai bolo Lazarus gu magi, gai ia ne noho i de mommee laa i e lua ange laangi.

John 11:6 Referans Kwoze

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Genesis 42:24

Gai ia ga hano gee mai i olaadeu daha, ia gu dangi; gai ia ga ahe mai ange hogi gi olaadeu daha ga basa ange gi gilaadeu. Gai ia ga kave Simeon mai i olaadeu daha ga nnoa i olaadeu mada i mua.

Genesis 22:14

Gai Abraham ga hagaingoo ange de mommee laa go Iahweh Jireh, bei de hai gu tala ai laa ga dae mai ai gi anailaa nei, “Tagi Maolunga e gaamai i honga dono mounga.”

John 11:5

Gai Iesu e aloha i Martha ma dono daina hahine aama Lazarus.

John 11:7

Dua luu langi laa, gai ia ga hai ange gi ana dangada agoago, “Gidaadeu ga ahe e hulo gi Judea.”