John 11:52 - De Beebaa Dabu

⁵² gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu.

John 11:52 Referans Kwoze

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Romans 3:29

E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile,

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —

Romans 4:17

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.

Acts 18:10

go hiidinga au e noho madali goe, gai e deai naa donu se dangada e maua i de hagammae aabe go de hagaduasala goe; go hiidinga e soa donu ogu dangada i de aduhale nei.”

John 12:32

Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Ezekiel 34:12

Au e hagaloosi ange naa agu ssiibi bei de hai a tangada hagaloosi ssiibi e ssala ai laa ana ssiibi gu mavaevae saele laa. Au e hagaola naa gilaadeu mai i mommee alodahi olaadeu gu mavaevae saele laa aagena, i de laangi e hagausinga ai ma de gohu.

Isaiah 60:4

Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Isaiah 56:8

Gai de Ia Aamua go Iahweh e hagadaba, go de ia e hagabuni ina mai de gau Israel gu i denga henua gee: “Au e hagabuni mai naa hogi de gau ange laa, gi daho olaadeu aagu gu lava laa i de hagabuni mai.”

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

John 1:12

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua,

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

Luke 15:8

“Gai goai de hine e madaangahulu ana dibaa selevaa, gai noo dahi gu dee maleva, ia e dee haula naa de laama ga tahi de hale ga hagaduu ngae ga ssala ga dae ai gi dana gidee?