John 11:28 - De Beebaa Dabu

²⁸ Dua dana tala muna laa gai ia ga ahe ga musumusu ange gi dono daina hahine go Mary, ga hai ange, “Tangada Agoago gu humai gai ia e ssili goe.”

John 11:28 Referans Kwoze

John 13:13

Goodou e hagahi mai Tangada Agoago ma Tagi Maolunga gi de au, gai e heohi donu oodou muna, go au donu.

John 11:20

Gai ga langona huu e Martha bolo Iesu gu humai, gai ia ga hano e hedae ange gi de ia, gai Mary ne noho i de hale.

Mark 10:49

Gai Iesu ga duu ga hagadaba, “Hagahia ia gi humai!” Aagai dangada ga hagahi taane dee gide laa, ga hai ange gi de ia, “Koe gi lo taane; hidi age, Iesu gu hagaagahi mai goe.”

John 21:7

Gai tangada agoago o Iesu e aloha ai laa, ga hai ange gi Peter, “Go Tagi Maolunga deelaa!” Gai ga langona huu e Peter bolo go Tagi Maolunga deelaa, gai ia ga ahe ange ga saabini ia i dono malo laa daha, (go hiidinga ia gu lava i de hagaui ono malo,) gai ia ga lele gi lo te vai ga kau age.

John 20:16

Iesu ne hai ange, “Mary.” Gai de hine laa ga huli dua ga hai ange i muna Aramaic, “Rabboni!” (e bei “Tangada Agoago”).

John 10:3

Tangada hagaloosi o de haitoga e hhuge ange de abaaba gi de ia, gai denga ssiibi e hagallongo dono leo. Gai Ia e hagahi ange ana ssiibi i olaadeu ingoo donu, ga dagi gilaadeu gi duaahaho.

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

Luke 22:11

Gai gooluu ga hai ange gi tangada aamua o de hale, ‘Tangada Agoago e ssili adu: I hee de aabi aagu e gaimee ai i Taonga Hagasili madali agu dangada agoago?’

Mark 14:14

Gai go hee naa huu oona e hano ga ulu aagena, gai gooluu ga hai ange gi tangada aamua o de hale laa, ‘Tangada Agoago e ssili adu: I hee de aabi oogu e gaimee ai i Taonga Hagasili madali agu dangada agoago?’

Matthew 26:18

Ia ne hai ange gi gilaadeu, “Goodou hulo gi daho dahi daane i de aduhale ga hai ange gi de ia, ‘Tangada Agoago e hagadaba: Gu dae mai de masavaa gu hagamodu mai gi de au. Au e hai naa Taonga Hagasili madali agu dangada agoago i doo hale.’ ”

Zechariah 3:10

E hagadaba Tagi o denga hagabuulinga hebagi: De laangi laa gai dahi ma dahi e gauna ange naa dono soa gi noho madali ia i lalo dana grapevine ma dana fig.”

Hebrews 12:12

Deenei ai, langa age oodou lima gu daudau naa, ma oodou duli gu baageaa naa,

1 Thessalonians 5:11

Deenei ai, goodou hagadau hagaaneane ina oodou lodo aama de hagadau bale i de tuu gi makaga, bei oodou dagodo iainei.

John 11:29

Gai ga langona huu e Mary, gai ia ga hagamoolau ga hidi age e hano gi ono daha.

John 11:30

De masavaa laa gai Iesu tigi dae mai donu gi de aduhale, gai ia goi noho donu huu i de mommee o Martha ne hedae ange ai gi de ia.