John 11:19 - De Beebaa Dabu

¹⁹ Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

John 11:19 Referans Kwoze

De Beebaa go Job 2:11

Gai soa dogodolu o Job, go Eliphaz taane Teman, ma Bildad taane Shuah, aama Zophar taane Naamah, gu langona e gilaadeu dagodo o denga hai ngadaa alodahi gu hai ange gi de ia, gai gilaadeu ne hagabuni ga loomai gi ono daha, mai i olaadeu mommee, e hagamaamaane ma de hagaaneane ono lodo.

John 11:31

Gai ga gidee huu e de gau Ssuu e nnoho laa madali Mary i de hale ma e hagaaneane ange ai ia, bolo Mary gu hagamoolau ma gu sao ma gu hano, gai gilaadeu ga daudali ange i de ia. Gilaadeu ne maanadu bolo ia e hano gi taanunga e dangi ai.

1 Thessalonians 5:11

Deenei ai, goodou hagadau hagaaneane ina oodou lodo aama de hagadau bale i de tuu gi makaga, bei oodou dagodo iainei.

1 Thessalonians 4:18

Deenei ai, goodou hagadau hagaaneane i muna nei.

2 Corinthians 1:4

Ia ne hagaaneane gimaau i omaau daemaha alodahi, gi maua ai hogi e gimaau i de hagaaneane lodo o dangada e daemaha laa, bei de hai a de Maadua gu hagaaneane mai ai gimaau.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

De Beebaa go Job 42:11

Gai ono daina daane ma ono daina haahine alodahi, aama dangada alodahi nogo iloo laa ia i mua ga loomai ga daonga madali ia i dono hale. Gai gilaadeu ga hagaaneane ono lodo ma de aaloha i de ia, i hiidinga o denga hai ngadaa alodahi a Tagi Maolunga ne hai ange laa gi de ia. Gai dahi ma dahi ne gaavange gi a Job hanu sseene ma dahi buulei goolo.

2 Samuel 10:2

Gai David ne hagadaba, “Au e abodonu ange naa gi Hanun, tama daane a Nahash, bei de hai a dono damana ne abodonu mai ai laa hogi gi de au.” Gai David ne hai hanu ono daane hai hegau gi hulo gi hagaaneane ono lodo, i de magau o dono damana. Gai de masavaa o denga daane hai hegau o David ne tae ai gi de henua o de gau Ammon,

Genesis 37:35

Gai ana dama daane ma ana damaa hine alodahi ga loomai e hagaaneane ange ia, gai ia e tee lodo, ga hai ange: “E deai, gai au e hano naa donu gi daho dagu dama i de mommee o de gau maakau, i dogu hinangalosaa i de ia.” Deelaa ai, dono damana ne dangi i hiidinga o Joseph.

Isaiah 51:19

E lua mee hai ngadaa gu hai adu gi de goe — gai goai naa e hagaaneane ina goe? Koe gu oohaa ma gu ngadi dagodo, i de onge ma de gadilaasa — gai goai naa donu e hagaaneane ina goe?

Ecclesiastes 7:2

E danuaa ange doo hano gi de hale o de hinangalosaa i doo hano gi de hale e hai ai taonga, go hiidinga de magau go de hagaodi o dangada alodahi; gai dangada e mouli gi daohia de mee nei i de lodo.

1 Samuel 31:13

Gai gilaadeu ga kave olaadeu ivi ga danu i lalo dahi tamarisk i Jabesh, gai gilaadeu ga hagahiikai i e hidu laangi.

1 Chronicles 10:12

gai denga daane hebagi dau alodahi ga hulo ga gaamai de angaanga o Saul ma ana dama gi Jabesh. Gai gilaadeu ga danu olaadeu ivi i lalo dahi oak laumalie i Jabesh, gai gilaadeu ga hagahiikai i e hidu laangi.

Luke 10:39

Gai Martha e dahi ono daina hahine, dono ingoo go Mary. Mary ne humai ga noho i gaogao luu vae o Tagi Maolunga ga hagallongo ai ana agoago.

Luke 10:42

aagai e dahi donu huu mee e heohi i de hai. Gai Mary gu hili de mee e kii ange tanuaa, gai e dee maua donu i de kave gee mai i ono daha.”

John 1:19

Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”

John 11:1

Gai dahi daane dono ingoo go Lazarus ne magi i Bethany, de aduhale damaa mee o Mary ma dono daina hahine go Martha.

John 11:8

Gai gilaadeu ne hai ange gi de ia, “Tangada Agoago, de gau Ssuu ne hagatale de maga goe i hadu i kilaa, gai koe ga ahe ange naa hogi gi de mommee mau?”

John 11:33

Gai ga gidee huu e Iesu Mary ma de gau Ssuu ne loomai madali ia e tangi, gai gu hagangalue ina ono lodo ma de daemaha.

John 11:36

Gai de gau Ssuu ne hagataba, “Ia e aloha mmao i Lazarus!”

John 11:45

Gai e soa dangada Ssuu ne loomai laa madali Mary ga gidee e gilaadeu ana mee ne hai gu hagadonusia ia.