John 11:15 - De Beebaa Dabu

¹⁵ gai au e malangilangi i oodou hiidinga, i dogu dee maleva i kilaa i de masavaa laa, gi hagadonusia ai goodou. Gidaadeu ga hulo e tilo ia.”

John 11:15 Referans Kwoze

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

John 12:30

Iesu ne hai ange, “De leo nei tee humai i ogu hiidinga, aagai ne humai i oodou hiidinga.

John 11:4

Gai ga langona huu e Iesu de mee laa gai ia ga hagadaba, “De magi nei e dee duu ange gi de magau, gai se hai e hagamahamaha ai de Maadua, gai gi hagamahamaha ai hogi Tama Daane a de Maadua i de mee nei.”

John 2:11

Gai mee a Iesu ne hai laa i Cana i Galilee, go tahi hagailonga aana ne hai e hagaago mai ai dono mahamaha. Gai ana dangada agoago gu hagadonusia e gilaadeu ia.

Isaiah 65:8

E hagadaba Tagi Maolunga, “De masavaa e hanu ai vai huamanu i lodo gau looloa grape, gai dangada e hagataba, ‘Aude oha de mee naa, go hiidinga e hanu manuuia iai,’ gai e bei ai hogi dagu hai e hai ai ogu dangada hai hegau; au e dee daa naa donu gilaadeu alodahi gi maakau.

Isaiah 54:15

Noo dahi dangada e hebagi adu gi goodou, gai e dee go au ne haia de mee nei; gai tangada e hebagi adu gi goodou e magulu naa donu.

1 John 5:13

Au e sisi adu mee nei gi goodou gu hagadonusia de ingoo o Tama Daane a de Maadua, gi iloo ai e goodou bolo goodou gu maua donu de mouli e dee ngado mai.

2 Corinthians 4:15

Mee nei alodahi ne hai i oodou hiidinga; gai gi kii ange ai de soa dangada e gaavee de abodonu o de Maadua, gai gu kii ange hogi de laumalie de hagaahe ange de abodonu aama de hagamahamaha ina o de Maadua.

Psalm 105:14

Gai ia tee dugu ange dahi gi hagaduasala ina gilaadeu, gai ne hagasee denga hodooligi i olaadeu hiidinga, ga hai ange,

Genesis 39:5

Gai mai i de masavaa a Potiphar ne hai ai Joseph go tagi o dono hale ma ono goloa alodahi, gai Tagi Maolunga ne hagamanuuia de huaabodu laa ma mee alodahi o taane Egypt laa, i hiidinga o Joseph. Gai Tagi Maolunga ne hagamanuuia mee alodahi i dono hale aama ana veelenga.

Genesis 26:24

Gai Tagi Maolunga ne hakide ange gi de ia i de boo laa, ga hai ange, “Go au donu de Maadua o doo damana go Abraham. Aude madagu, go hiidinga au madali goe; au e hagamanuuia naa goe ga hai gi soa doo aamuli, i hiidinga o dogu dangada hai hegau go Abraham.”

John 11:14

Gai Iesu ga tala hagasoe ange gi gilaadeu ga hai ange, “Lazarus gu magau;

John 11:16

Gai Thomas (e hagaingoo ange laa hogi go Didymus) ne hai ange gi denga dangada agoago ange laa, “Gidaadeu ga hulo hogi, gi maakau ai gidaadeu madali ia.”