John 10:6 - De Beebaa Dabu

⁶ Iesu ne tala ange de mee hagasengasenga nei gi gilaadeu, aagai gilaadeu tee tonu ange gi mee aana ne tala ange gi gilaadeu.

John 10:6 Referans Kwoze

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Psalm 82:5

Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu.

John 16:25

“Au gu tala hagasengasenga adu mee nei gi goodou iainei. Gai e dae mai naa donu de masavaa aagu e dee basa hagasengasenga adu ai gi goodou, aagai e tala hagasoe adu donu gi goodou dagodo o Tamana.

Matthew 13:51

⌊Iesu ne ssili ange,⌋ “Goodou gu tonu ange nei gi mee nei alodahi?” Dangada ne hai ange, “Uaa.”

Daniel 12:10

Gai e soa naa dangada e hagagilimalali ina naa gilaadeu, ma de hai gilaadeu gi tea ma de danuaa; aagai de gau baubau e duudagi naa donu de hai de baubau. Gai e deai naa donu se dangada baubau e maua gi donu ange, aagai gilaadeu e heiangi laa e tonu ange naa donu.

Psalm 106:7

De masavaa o omaadeu dubuna e nnoho ai i Egypt, gai gilaadeu tee hagamaanadu au hegau hagalele mouli; gilaadeu ne ngalo dagodo o doo abodonu laumalie, gai gilaadeu ne hai baasi adu gi de goe i gaogao Tai Mmea.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

John 8:43

Gai gu aha goodou gu dee tonu mai ai naa gi agu muna? Go hiidinga goodou e dee llodo e hagallongo agu muna.

John 8:27

Gai gilaadeu tee tonu ange bolo ia e basa i dono Tamana.

John 7:36

Gai dee hee de hagadoonunga o ana muna nei, ‘Goodou e sala naa ngau gai goodou e dee maua gi gidee au,’ aabe ‘De mommee oogu e hano ai goodou e dee maua i de loadu aagena’?”

John 6:60

Gai ga langona huu e denga dangada agoago soa muna nei, gai gilaadeu ga hagataba, “Ni muna hai ngadaa aanei. Goai e maua i de kave?”

John 6:52

Gai de gau Ssuu ga daamada de hagadaumee ga hagataba, “Dee hee de hai a taane nei e gaamai dono angaanga gidaadeu gi gaina?”

Matthew 13:34

Iesu ne tala ange mee nei alodahi gi dangada soa i denga mee hagasengasenga. Teai donu sana mee tee tala ange gi gilaadeu i de mee hagasengasenga.

Mark 4:34

Ia ne agoago ange donu huu dangada i denga mee hagasengasenga. Aagai de masavaa naa huu oona gu noho ai madali ana dangada agoago, gai ia ga hagadonu ange mee alodahi gi gilaadeu.

John 16:29

Gai ana dangada agoago ne hai ange gi de ia, “Iainei gai koe gu basa hagasoe mai donu huu gi gimaadeu, koe gu dee basa hagasengasenga mai!

2 Peter 2:22

Gilaadeu gu bei dagodo o muna heiangi abodonu e hai ange laa: “De gaaduu e ahe ange ga gai ono hagalueia,” gai “De biigi gu lava laa i de gaugau e ahe ange ga dige saele i lo te bela.”