John 10:4 - De Beebaa Dabu

⁴ Gai de masavaa naa huu e odi ai ana ssiibi i de hagassao gi duaahaho, gai ia ga hano i olaadeu mada i mua, gai gilaadeu e daudali ange i de ia, go hiidinga gilaadeu e madea dono leo.

John 10:4 Referans Kwoze

Deuteronomy 1:30

Tagi Maolunga doodou Maadua e hano i oodou mada i mua, gai go ia donu e hebagi ange gi gilaadeu, bei dana hai ne hebagi ange ai gi Egypt i oodou hiidinga, bei doodou hai ne gidee ai laa.

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.

1 Peter 5:3

Goodou gi dee ni dagi bei gilaadeu e dagudagu ina ange dangada i olaadeu lalo, gai goodou gi ni mee hagaago danuaa ange gi denga ssiibi.

1 Corinthians 11:1

Ago mai i de au, bei dogu ago ange i Klisdo.

John 10:8

Gilaadeu alodahi ne loomai i ogu mua ni dangada gaiaa ma de daa dangada, gai denga ssiibi tee hagallongo ange gi gilaadeu.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 6:20

go de mommee o de ia gu hano laa i odaadeu mada i mua ne ulu ai i odaadeu hiidinga, go Iesu. Gai ia gu hai gi se dangada haimeedabu maolunga ga hano ai bei dagodo o Melkizedek.

Ephesians 5:1

Deenei ai, goodou gi ago ange i de Maadua, bei dagodo o ana dama hagamogomogo.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

Song of Songs 2:8

Hagalaangona adu de leo o dogu dau soa! Tilo, deenei ia gu humai nei, ia e savini mai laa honga denga mounga, ma de lellele mai laa honga denga duuduu.

John 13:15

Au gu gaavadu gi goodou dahi hagaago danuaa, gi maua ai e goodou i de hai gi bei dagu hai gu hai hegau adu ai gi goodou.

1 Peter 4:1

Deenei ai, go hiidinga Klisdo gu lava donu i de hagaduasala i de angaanga nei, oodou maanadu gi bei hogi ana maanadu, go hiidinga tangada gu hagaduasala i de angaanga nei gu tuu dono haisala.

Song of Songs 5:2

Au e mmoe luoogu mada, gai ogu lodo e ala. Hagalaangona adu! Dogu dau soa e dugidugi: “Dogu daina hahine, dogu dau soa, huugea mai de abaaba, dagu manu kono, dogu soa mahamaha abodonu. Dogu biho gu ssui lebelebe i de maluulu o taiao, ogu ngaangaaulu gu ssui i de maluulu o de boo.”

John 10:3

Tangada hagaloosi o de haitoga e hhuge ange de abaaba gi de ia, gai denga ssiibi e hagallongo dono leo. Gai Ia e hagahi ange ana ssiibi i olaadeu ingoo donu, ga dagi gilaadeu gi duaahaho.

John 10:5

Aagai gilaadeu e dee daudali ange donu i dahi dangada gee, gilaadeu e saavini ga hulo gee mai i de ia, go hiidinga gilaadeu e dee madea de leo o dahi dangada gee.”

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.