John 10:35 - De Beebaa Dabu

³⁵ Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

John 10:35 Referans Kwoze

Matthew 24:35

De langi ma henua i lalo e llilo naa donu, aagai agu muna e dee llilo donu.

Romans 13:1

Dangada alodahi gi hagallongo ange gi gilaadeu gu gaavange ssauaa e dagi ai. Go hiidinga e deai donu se sauaa o dahi dangada e dagi ai, noo e dee se mee mai i daho de Maadua. Gai sauaa alodahi e hanu go de Maadua ne hagaduulia.

Luke 16:17

Aagai e hai ngaohie ange de llilo o de langi ma henua i lalo i de hagadeai dahi doonginga daudahi i de hainga.

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Matthew 27:35

Gai ga lava huu i delaadeu daudau ia, gai gilaadeu ga dada ga duha ai ono malo i olaadeu magavaa.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

1 Chronicles 22:8

Aagai Tagi Maolunga ne hagaago mai ana muna gi de au, ga hai mai, ‘Koe gu lagolago au dangada ne daa ga maakau, aama de hai denga hebagi nnui; deelaa ai, koe e dee maua i de hagaduu dahi hale e hagadubu ai dogu ingoo, go hiidinga gu kona de soa au dangada ne daa ga maakau i henua i lalo.

2 Samuel 7:5

“Hannoo hai ange gi dogu dangada hai hegau go David, ‘E hagadaba Tagi Maolunga: Koe ga hagaduu naa dahi hale e noho ai au?

1 Samuel 30:8

Gai David ga ssili ange gi Tagi Maolunga, “Ga hano au e doolohi gi daea de hagabuulinga gaiaa laa?” Gai ia ga hai ange, “Hannoo dolohia gilaadeu, gai koe e daea adu naa donu gilaadeu ga hagaola dangada.”

1 Samuel 28:6

Gai a Saul ne ssala gi iloo lodo o Tagi Maolunga, aagai Tagi Maolunga tee basa ange gi de ia i denga midi, be go de Urim, aabe go daho denga pelaabisi.

1 Samuel 15:1

Gai Samuel ne hai ange gi a Saul, “Tagi Maolunga ne hai au gi humai gi hagadabu ina goe i de lodo, gai koe ga hodooligi ai i honga ono dangada, go de gau Israel; deenei ai, koe gi hagalaangona muna a Tagi Maolunga.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

John 19:28

Dua mee laa, gai Iesu gu iloo bolo mee alodahi gu lava, gai gi hagassula ai muna a de Beebaa Dabu, gai Iesu ga hagadaba, “Au gu hieunu.”

2 Chronicles 19:2

Gai Jehu, taane e daalaa mee e loomai, tama daane a Hanani, ne humai ga hedae ange gi de ia, ga hai ange, “Gu aha goe gu hano ai e bale ange de gau baubau, ma de aloha ange gi gilaadeu e kino i Tagi Maolunga? Go hiidinga koe ne hai de mee nei, Tagi Maolunga e lili naa ga hai baasi adu gi de goe.

John 10:34

Iesu ne hai ange gi gilaadeu, “E aha, tigi sisi i oodou hainga, e hai ange, ‘Au e hagadaba bolo goodou ni maadua donu’?

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

2 Kings 15:12

Gai gu hagassula muna a Tagi Maolunga ne tala ai dagodo o Jehu: “Doo hagadiilinga e hodooligi naa i Israel ga dae ai gi de haa atangada.”