John 1:41 - De Beebaa Dabu

⁴¹ Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

John 1:41 Referans Kwoze

John 4:25

De hine laa ne hai ange gi de ia, “Au e iloo bolo de Messiah (go de ia e hagabinga ange laa go Klisdo) e humai naa. Gai dono masavaa naa huu e humai ai, gai ia ga hagadonu mai mee alodahi gi gidaadeu.”

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

Psalm 89:20

Au gu gidee David, dogu dangada hai hegau; ma gu hagasulu ia i de lolo dabu;

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

Luke 2:17

Gai ga gidee huu e gilaadeu ia, gai gilaadeu ga tala mee a tangada de langi gu tala ange laa gi gilaadeu, i dagodo o tamaa gauligi laa.

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

2 Kings 7:9

Aagai gilaadeu ne hagataba i olaadeu magavaa, “E dee heohi adaadeu hegau e hai nei! Anailaa nei se laangi niio dahi longo danuaa, gai gidaadeu e daohi donu huu de longo nei i odaadeu daha. Noo gidaadeu e tali gi ao de mee, gai gidaadeu e too ange naa donu gi dahi hagaduasala. Deenei ai, loomai, gidaadeu ga hagamoolau e hulo e tala ange de longo nei gi dangada i de hale o de hodooligi.”

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”