John 1:19 - De Beebaa Dabu

¹⁹ Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”

John 1:19 Referans Kwoze

John 10:24

Gai de gau Ssuu ga hagabuni mai gi ono daha ga ssili ange gi de ia, “Dee hee maa taulooloa dau dee tala mai gi iloo e gimaadeu? Noo go koe de Klisdo, gai koe daalaa mai.”

Acts 19:4

Gai ia ga hai ange, “A John ne babudaisi ange gi de dahuli o de lodo. Gai ia ne hai ange gi dangada gilaadeu gi hagadonusia de ia gu dai humai laa i ono dua, go Tagi Maolunga go Iesu”

Acts 13:25

Gai ga baa ange huu gi lava hegau a John, gai ia ga hagadaba, ‘Goodou e maanadu bolo au goai? E dee go au de ia gu dai humai laa. Aagai e humai naa dahi dangada i ogu dua, gai au e dee bau ange gi de tala mee e noonooa ai ono mee vae.’

John 2:18

Gai de gau Ssuu ga ssili ange gi de ia, “Se hagailonga bee hee aau e hai e hagadonu ai, bolo e dahi oo sauaa e hai ai mee nei?”

John 5:10

Gai de gau Ssuu ne hai ange gi taane gu ieiangi laa, “Anailaa nei go Sabbath; gai e dee alaange dau saabai doo moenga.”

John 6:52

Gai de gau Ssuu ga daamada de hagadaumee ga hagataba, “Dee hee de hai a taane nei e gaamai dono angaanga gidaadeu gi gaina?”

John 6:41

Gai de gau Ssuu ga nnanu i de ia, go hiidinga ia ne hagadaba, “Go au de pelaoaa ne hano iho laa i de langi.”

Deuteronomy 24:8

Noo koe gu magi lebelaa, gai koe kana ange haia gi bei muna alodahi a de gau haimeedabu, go daane de aamuli o Levi, gu tala adu gi de goe. Gai goodou kana ange haia gi bei agu muna gu tala ange gi gilaadeu.

John 1:7

Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna.

John 2:20

De gau Ssuu ne hai ange, “Ne madahaa ma ono ngadau ne hagaduu ai de temple nei, gai koe e maua i de hagaduu age ange i e dolu donu huu laangi?”

John 5:15

Aagai taane laa ne hano ga tala ange gi de gau Ssuu bolo go Iesu ne hagaieiangi ina laa ia.

John 5:16

Deenei de hiidinga a de gau Ssuu ne vaivai hai ai laa Iesu, go hiidinga ia ne hai mee nei i de laangi o Sabbath.

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

John 7:1

Dua mee nei gai Iesu ne hagadaga saele i Galilee; ia tee hagadaga saele i Judea, go hiidinga de gau Ssuu e ssala de hai e daa ai ia gi magau.

John 7:11

Gai de gau Ssuu ne dagitilo gi gidee e gilaadeu ia i de mommee e hai ai laa taonga ma de ssili, “I hee ai donu ia?”

John 7:15

Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”

John 8:22

Gai de gau Ssuu ne hai ange, “E aha, ia ga daa nei donu huu ia gi magau? Deenei aana e hai mai ai nei, ‘De mommee oogu e hano gi aagena, gai goodou e dee maua i de hulo aagena’?”

John 8:48

Gai de gau Ssuu ga hai ange gi de ia, “E heohi donu demaadeu hai adu bolo koe se dangada Samaria, gai de hagasaalunga baubau e noho i oo daha.”

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

John 8:57

Gai de gau Ssuu ga hai ange gi de ia, “Koe tigi madalima donu oo ngadau. Gai dee hee dau hai ne gidee ai Abraham?”

John 10:31

Gai de gau Ssuu ne poo age hogi denga hadu e maga ai ia,

John 11:19

Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

1 John 1:5

Gai deenei de muna amaadeu ne langona mai i ono daha amaadeu e tala adu nei gi goodou, bolo de Maadua go de maalama gai e deai donu se damaa gohu daudahi i ono daha.