John 1:18 - De Beebaa Dabu

¹⁸ Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:18 Referans Kwoze

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

John 6:46

Tigi ai donu se dangada ne gidee e ia Tamana; go Tama donu huu ne humai laa i daho de Maadua, go ia gu gidee Tamana.

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

1 John 4:12

Tigi ai donu se dangada ne gidee e ia de Maadua; gai noo gidaadeu e hagadau aaloha, gai de Maadua e noho donu i odaadeu lodo gai dono aloha gu honu abodonu i odaadeu lodo.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

1 John 4:9

Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

1 John 4:20

Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Deuteronomy 4:12

Gai Tagi Maolunga ne basa adu gi goodou mai i lo te ahi ula laa; goodou ne langona de leo e basa gai goodou e dee gidee dahi angaanga.

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Exodus 23:21

Gai goodou kana ange daudali i ana muna. Goodou aude haia oodou hai ange gi de ia, go hiidinga ia e dee degi adu naa donu gi oodou haisala; i hiidinga dogu sauaa e dagodo i ono daha.

Genesis 16:13

Gai ia ne hagaingoo ange Tagi Maolunga ne basa ange laa gi de ia, “Go koe de Maadua e gidee au,” go hiidinga ia ne hagadaba, “Au gu gidee donu de ia e gidee e dagidiiloo mai au.”

Joshua 5:13

De masavaa o Joshua ne duu ai i gaogao Jericho, gai ia ne gidee dahi daane e poo dana gadilaasa ma e duu ai i ono mada i mua; gai Joshua ga hano ga ssili ange gi de ia, “Koe se dangada madali gimaadeu, aabe koe se dangada e hai baasi mai gi gimaadeu?”

Lamentations 2:12

Gilaadeu e hai ange gi olaadeu dinana, “I hee iai pelaoaa ma uvaini?” i de masavaa olaadeu e ssili ai olaadeu mada, bei denga daane gu lagolagohia laa i honga haiava o de aduhale, gai gilaadeu gu paa ange donu gi de maakau i de masavaa a olaadeu dinana e daohi ai gilaadeu.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Proverbs 8:30

Gai au, de heiangi, se labagau e noho madali ia. Au ne lodo danuaa i laangi alodahi, ma de malangilangi i ono daha i masavaa alodahi,

Genesis 18:33

Gai ga lava huu de basa ange o Tagi Maolunga gi Abraham, gai ia ga hano gee mai i kilaa, gai Abraham ne ahe hogi gi dono mommee.

John 13:23

Gai tangada agoago o Iesu e aloha ai laa e hakaogao i gaogao o Iesu.

Exodus 24:10

gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.