Joel 2:14 - De Beebaa Dabu

¹⁴ Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Joel 2:14 Referans Kwoze

Jonah 3:9

Goai e iloo! Kana adu de Maadua e sui naa dana maanadu ga dee hagahai hegau dono lili laumalie mmao, gi dee maakau ai gidaadeu.”

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Joel 1:13

De gau haimeedabu, goodou kahu i malo daladala, ma de tangi, de gau hai hegau i de mommee o ssigidaumaha, goodou tangi ssee. De gau e haia hegau i mada luu mada o dogu Maadua, goodou loomai, kahu i malo daladala i dahi boo; go hiidinga gu deai donu sigidaumaha o grain ma sigidaumaha o mee unu, e gaamai gi de hale o doodou Maadua!

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Jonah 1:6

Gai de eligi o de vaga ne humai ga hai ange gi de ia, “Gu aha gu seni ai naa goe? Hidi age dalodalo ange gi doo maadua! Kana adu ia e bale mai naa gidaadeu, gi dee maakau ai gidaadeu.”

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

2 Kings 19:4

Kana adu Tagi Maolunga doo Maadua e hagallongo naa muna alodahi a de Rabshakeh, go muna a dono dangada aamua, de hodooligi o Assyria ne hagailoo mai, ma e basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

2 Samuel 12:22

Ia ne hai ange gi gilaadeu, “De masavaa o tamaa gauligi e mouli ai, gai au ne hagahiigai ma de dangi, go hiidinga au ne maanadu, ‘Goai e iloo be Tagi Maolunga e abodonu mai naa gi de au, ga hai gi mouli tamaa gauligi.’

Exodus 32:30

De laangi i ono dua, gai Moses ga hai ange gi dangada, “Goodou gu hai dahi baubau laumalie mmao. Gai au ga hanage nei gi daho Tagi Maolunga e tilo be au e maua i de tala oodou haisala.”

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Joel 1:16

E aha, gidaadeu tee gidee laa teai gai, ma teai se malangilangi be se lodo danuaa i de hale o taadeu Maadua?

Joel 1:9

Gu deai donu sigidaumaha o grain ma mee unu i de hale o Tagi Maolunga. De gau haimeedabu gu tangi, aanei gilaadeu ne haia hegau i mada luu mada o Tagi Maolunga.

Isaiah 65:8

E hagadaba Tagi Maolunga, “De masavaa e hanu ai vai huamanu i lodo gau looloa grape, gai dangada e hagataba, ‘Aude oha de mee naa, go hiidinga e hanu manuuia iai,’ gai e bei ai hogi dagu hai e hai ai ogu dangada hai hegau; au e dee daa naa donu gilaadeu alodahi gi maakau.

1 Samuel 6:5

Gai goodou haia hanu mee be ni hagahoa i goolo ma gimoo ne oohaa laa de henua, e hagadubu ai de Maadua o Israel. Kana adu ia e aau gee naa dono lima e hagaduasala ai nei goodou ma oodou diinonga aama doodou henua.

Joshua 14:12

Deenei ai, gaamai gi de au de mommee iai mounga, go de mommee a Tagi Maolunga ne hagatoo donu mai laa gi de au i de laangi laa. Koe ne langona donu i de laangi laa, bolo de gau Anak gu nnoho i kilaa, i lodo olaadeu aduhale nnui gai e buibui; gai noo Tagi Maolunga e hano madali au, gai au e hai gilaadeu gi hulo gee mai i de henua laa, bei de hai a Tagi Maolunga gu tala ai.”

Jeremiah 26:3

Agu made gilaadeu e hagallongo mai ga daahuli gee i alaadeu hegau baubau, gai au ga dee hai gi humai de hai ngadaa aagu gu baba ange e hai ange gi gilaadeu.

Jeremiah 18:8

gai noo de huaahenua aagu e hagakana ange laa e daahuli gee i olaadeu baubau, gai au ga sui dagu hagatau; au e dee hai gi humai de hai ngadaa aagu gu baba ange laa e hai.

Jeremiah 26:13

Deenei ai, goodou suuia oodou dahulinga ma oodou hegau, ma gi daudali i muna a Tagi Maolunga doodou Maadua, gi suuia ai e Tagi Maolunga dana hagatau, gai ia gu dee hai gi humai de hai ngadaa, aana gu tala laa bolo e hai baasi adu ai gi goodou.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”