Joel 1:2 - De Beebaa Dabu

² Denga daane maatua, goodou hagalaangona muna nei, alodahi e nnoho i honga de henua, hagalaangona. Gu hanu laa hegau bee nei ne hai i doodou masavaa, aabe go de masavaa o odaadeu dubuna madagidagi?

Joel 1:2 Referans Kwoze

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

De Beebaa go Job 8:8

Siilia ange gi denga atangada gu hulo, ma de kana ange ga ssala mee a olaadeu maadua gu iloo,

Matthew 24:21

Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.

Matthew 13:9

Be goai e hanu ono dalinga, gai ia gi hagalaangona.”

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 3:1

Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.

Amos 5:1

De gau Israel, hagalaangona muna o dagu daahili o de magau e tala ai oodou dagodo:

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Isaiah 34:1

Denga huaahenua, goodou hagapaa mai hagalaangona; denga huaadangada, nnoho mai hagalaangona! De henua ma mee alodahi i ono elunga gi hagalaangona, go henua i lalo ma mee alodahi iai.

Isaiah 7:17

Tagi Maolunga e gaamai naa gi de goe ma oo dangada, aama doo huaabodu dahi masavaa hai ngadaa, gai tigi ai ange donu se masavaa bee nei mai i de laangi o Ephraim ma Judah ne mavaevae ai: ia e gaamai naa gi goodou de hodooligi o Assyria.”

Psalm 49:1

Denga huaadangada alodahi, nnoho mai hagalaangona de mee nei; alodahi e nnoho i henua i lalo, goodou hagalaangona;

De Beebaa go Job 21:7

Gu aha de gau baubau goi mouli ai laa huu, gai gilaadeu e hulo ga madumaatua ma de hagadaga ange de mmahi?

De Beebaa go Job 15:10

De gau sinasinaa ma de madumaatua e buni mai gi gimaadeu, aama denga daane e maatua ange i doo damana.

De Beebaa go Job 12:12

De heiangi e gidee i daho de gau madumaatua, gai de mouli daulooloa e hai ga dahi olaadeu tonu ange.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.