Jeremiah 9:5 - De Beebaa Dabu

⁵ Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.

Jeremiah 9:5 Referans Kwoze

Habakkuk 2:13

Tilo, e aha, tee hagatau ina e Tagi o denga hagabuulinga hebagi bolo hegau a dangada ni mee donu huu e dudu i de ahi, gai denga huaahenua gi hagadaalea ange gi hanu ngadi mee?

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Isaiah 57:10

Goodou gu daalea i oodou haingaa mee alodahi, aagai goodou tee hagataba, “E deai donu haigamaiana.” Gai oodou mahi ne aahe mai hogi gi goodou, deelaa ai, goodou tee daalea.

De Beebaa go Job 15:5

Au muna e tala baubau e hagaago mai oo baubau; gai koe e ago ange i muna a tangada vaivai dagodo.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Micah 6:3

Dogu huaadangada, se aha aagu gu hai adu laa gi de goe? Gai se aha aagu ne hagadaemaha ai laa goe? Basa mai gi agu muna!

Ezekiel 24:12

Au gu hai mee alodahi e maua i de hai ange aagena, gai denga hongagelegele baalanga tigi odi donu; dilia ange gi lo te ahi ma ono hongagelegele baalanga.

Jeremiah 9:8

Olaadeu alelo e bei tao hagamaakau, gai e tala ai muna hagasenga. Dahi ma dahi e basa danuaa ange gi tangada e baa ange, aagai ono lodo e hagatau dana hai e dugu ai ssele e dada ai ia.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Isaiah 5:18

E vakaa naa dangada e daangia saele baubau i daula o de mee dee heohi, ma de dada saele haisala bei daula o de hada,

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.

Psalm 140:3

Olaadeu alelo e hagamaakau bei de alelo o de labodo hagammau, de mee hagammau i lodo olaadeu malaungudu. Selah

Psalm 64:3

Olaadeu alelo e kangi bei denga gadilaasa, gai alaadeu muna e bei dao hagamaakau o de mee hholu.

Psalm 50:19

Doo ngudu e abo i de tala mee baubau, gai doo alelo e honu i de daahanga dangada.

Psalm 7:14

Tilo, tangada baubau e hagahale de baubau, gai ia e hai hegau i de vaivai dagodo ma de hhadu muna.

De Beebaa go Job 11:3

E maua au ngadi muna i de hai gi dee pasa adu dangada gi de goe? E aha, e dee hagaseegina naa goe i au muna hagadookaa?

Genesis 19:11

Gai gilaau ga hai gu dee kide denga daane i tua de haitoga o de hale, mai i tama daane ga dae ai gi taane madua, gai gilaadeu ne hagammahi ga haahaa saele e ssala de haitoga.

Psalm 52:3

Koe e kii ange de baubau doo lodo ai i tanuaa, gai e kii ange de hadu muna doo lodo ai i de muna abodonu. Selah

Jeremiah 7:28

Deenei ai, hai ange gi gilaadeu, Deenei de huaahenua tee hagallongo ange laa gi Tagi Maolunga delaadeu Maadua, gai tee hagallongo ange gi dana haelenga. Gai de muna abodonu gu lilo; gai gilaadeu gu dee pasa ai hogi.

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

Jeremiah 51:58

E hagadaba Tagi o denga hagabuulinga hebagi: “De buibui lahalaha o Babylon e oha iho naa ga dagodo i honga de gelegele, gai ono haitoga maolunga e dudu naa i de ahi; hegau kona a dangada e deai naa donu ono haigamaiana, denga huaahenua ne hagadaalea ange donu huu gi mee e dudu i de ahi.”

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Malachi 2:10

E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?

Judges 2:10

Gai de atangada laa alodahi ne maakau hogi bei olaadeu dubuna madagidagi; gai dahi atangada hoou gu hanage i olaadeu dua, gilaadeu tee iloo Tagi Maolunga, ma hegau hagalele mouli aana ne hai i hiidinga o de gau Israel.

Proverbs 12:5

Maanadu a de gau heohi e heohi, aagai hagasaele a de gau baubau e daahanga dangada.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”