Jeremiah 9:23 - De Beebaa Dabu

²³ E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Jeremiah 9:23 Referans Kwoze

Isaiah 5:21

E vakaa naa gilaadeu e maanadu laa bolo gilaadeu ni dangada heiangi ma de tonu!

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

Ezekiel 7:19

Gai gilaadeu e tili ange naa alaadeu selevaa gi honga denga haiava, gai alaadeu goolo e bei naa dagodo o de mee hakino gee. Alaadeu goolo ma selevaa e dee maua naa donu i de hagaola gilaadeu i de laangi o de bole o Tagi Maolunga. Mee nei e dee maua naa donu i de hagaboobosu gilaadeu, aabe hagahoohonu lodo olaadeu dinae, go hiidinga mee nei gu dagi ange gilaadeu gi lo te baubau.

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Deuteronomy 8:17

Gai gi dee hagataba ai goodou i oodou lodo, “Go omaadeu mogomogo donu ma omaadeu mahi amaadeu ne mau ai nei omaadeu lava.”

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

Mark 10:24

Gai ana dangada agoago gu llele olaadeu mouli i ana muna. Gai Iesu ga hai ange gi gilaadeu, “Agu dama, e hai ngadaa mmao de ulu i de nohoanga hodooligi o de Maadua!

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Ezekiel 29:9

Gai de henua go Egypt e maoha naa ga ngadi dagodo. Gai gi iloo ai e gilaadeu bolo go au donu go Iahweh. Go hiidinga koe ne hagadaba, ‘De Nile niiagu, go au ne haia,’

Isaiah 10:8

Ia ne hagadaba, “E aha, ogu dagi alodahi e dee ni hodooligi?

Ecclesiastes 2:19

Gai goai e iloo be ia se dangada heiangi, aabe se dangada lodo senga? Aagai go ia naa e huahua i mee alodahi aagu ne hagaduu ngae ga hai hegau ange aagena i ogu mahi aama dogu labagau i lalo de laa. De mee nei e deai hogi ono haigamaiana.

1 Samuel 17:42

Gai de masavaa huu a taane Philistia laa ne gidee ai David, gai ia ne hagangadi mee ia, go hiidinga ia se gauligi donu huu, e mada mmea dono angaanga ma de mahamaha.

Daniel 3:15

Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”

1 Corinthians 1:31

Deelaa ai, gu sisi e hai ange, “Tangada e lodo e tala tuhi dahi mee gi duuhia donu huu Tagi Maolunga.”

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Philippians 3:10

gi maua ai e au i de iloo Klisdo, ma ssauaa ne hagamouli ina age laa ia, ma de hagauda denga hagaduasala madali ia, ma de magau bei ono dagodo,

De Beebaa go Job 32:13

Goodou kana hagataba donu, ‘Gimaadeu gu gidee de heiangi; go de Maadua e maua i de hagadaumee ange gi de ia, e dee go dahi dangada.’

Proverbs 3:5

Hagadonusia Tagi Maolunga i oo lodo alodahi, aude lango ange gi mee oou e donu ange aagena;

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Isaiah 20:5

Gai dangada e tali hagalodolodo ange gi Ethiopia ma de tuhi Egypt e maatagu naa ma de dookaa.

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Jeremiah 48:7

Goodou e hagadonu oodou mahi ma oodou goloa lagolago, deenei ai, goodou e hagadee kii naa hogi; gai tiinonga go Chemosh e gaavee naa gi dahi henua gee, madali ono dangada haimeedabu aama dagi o de henua.

Jeremiah 49:4

Tamaa hine e dee hai hegau i de mee abodonu, gu aha gu basa hagasoenga ai naa goe i oo geelonga, ma de tali hagalodolodo ange oo goloa hagamogomogo, ga hagadaba, ‘Goai e maua i de hai baasi mai gi de au?’

De Beebaa go Job 41:15

Lo tono dua e hagatau ai denga mee hungihungi ma gu kadi; gai gu buni ma de makaga;

Psalm 33:5

Ia e malangilangi i mee heohi ma de hagamodu heohi, gai de abodonu o Tagi Maolunga gu hagadohu henua i lalo alodahi.

Psalm 34:3

Hagaamua ina Tagi Maolunga madali au, gidaadeu ga hagaamua dono ingoo!

Psalm 44:9

Aagai koe ne tili gimaadeu ma de hagadookaa gimaadeu, koe tee hano madali omaadeu hagabuulinga hebagi.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?