Jeremiah 8:9 - De Beebaa Dabu

⁹ De gau heiangi e dookaa naa; gilaadeu e maatagu naa ma de booboogia mai. Tilo, gilaadeu ne kino i muna a Tagi Maolunga, gai e dahi ai naa olaadeu heiangi?

Jeremiah 8:9 Referans Kwoze

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

De Beebaa go Job 5:12

Ia e hai gi dee ssula hagatau a tangada e heiangi vaivai dagodo, gi dee maua ai gi ssula alaadeu hegau.

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Isaiah 19:11

Denga dagi o Zoan ni dangada donu ssenga; de gau heiangi e balea ange hagasaele a Pharaoh, ni ngadi hagasaele alaadeu e bale ange ai ia. Gai dee hee ai naa doodou hai e maua ai i de hai ange gi Pharaoh, “Au go dahi daane heiangi, go dahi daane hai hegau o denga hodooligi madagidagi”?

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Deuteronomy 4:6

Goodou kana ange daohia mee nei, gi gidee ai e denga huaadangada alodahi doodou heiangi ma doodou tonu, gai ga langona naa huu e gilaadeu denga mee gu hagasauaa nei alodahi, gai gilaadeu ga hagataba, “De huaahenua soa nei ni dangada heiangi ma de tonu.”

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

Ezekiel 7:26

Denga hai ngadaa lagolago e hai anga naa gi gilaadeu, gai gilaadeu e langona naa denga longo hagamaatagu. Dangada e ssala naa denga midi hagaago ange i daho de pelaabisi; tangada haimeedabu e dee iloo naa de hainga, gai denga daane maatua gu dee maua naa, i de bale ange dangada i hagasaele danuaa.

Jeremiah 49:7

E hagadaba Tagi o denga hagabuulinga hebagi i dagodo o Edom: “E aha, gu deai nei donu se heiangi i Teman? Gai gu deai nei donu hagasaele heohi a de gau maanetonu? Gai gu llilo nei donu olaadeu heiangi?

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

2 Kings 17:15

Gilaadeu ne tili ana hainga gu hagasauaa, ma dana hagatoo donu hagaheloongoi ne hai madali olaadeu dubuna madagidagi, aama ana mee gu hagakana ange ai gilaadeu. Gai gilaadeu gu daumaha ange gi denga diinonga e deai olaadeu haigamaiana, ga hai ai ga deai olaadeu haigamaiana. Gilaadeu ne ago ange i denga huaahenua e paa ange gi gilaadeu, e dee galemu donu Tagi Maolunga gu hai ange, “Goodou aude ago ange i gilaadeu,” gai gilaadeu ne hai donu mee a Tagi Maolunga ne hai ange gilaadeu gi dee haia.

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Jeremiah 15:6

Koe ne tili au, go Tagi Maolunga e hagadaba; koe tee modu de ahe dua. Deelaa ai, au e hagaabo naa dogu lima e hagaduasala ai goe; au gu dalea i de golomagi ogu lodo.

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Zechariah 13:4

De laangi laa gai denga pelaabisi e dookaa naa i de tala mee gu hagaago ange gi gilaadeu i de midi. Gilaadeu e dee kahu naa i malo daladala o de pelaabisi e daahanga ai dangada.

De Beebaa go Job 5:13

Ia e hai naa gi boogia mai gilaadeu i olaadeu heiangi vaivai daakodo, ma de hai alaadeu hagatau vaivai daakodo gi dee ssula.

Isaiah 43:27

Doo dubuna i taamada ne haisala; oodou dagi ne haisala mai gi de au.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.