Jeremiah 8:8 - De Beebaa Dabu

⁸ Gai dee hee doodou hai e hagataba ai naa, ‘Gimaadeu e heiangi, go hiidinga de hainga a Tagi Maolunga i omaadeu daha’ — aagai tilo, de biini sisi a oodou dangada sisi gu hagahadu muna agu hainga?

Jeremiah 8:8 Referans Kwoze

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

Matthew 15:6

gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu.

Psalm 147:19

Ia ne tala ange ana muna gi Jacob, ana muna gu hagasauaa aama ana hagamodu ange gi Israel.

De Beebaa go Job 12:20

Ia e hai gi dee mmuu gilaadeu a dangada e hagadonu, gai e hai gi deai se heiangi o denga daane madumaatua.

Hosea 8:12

Au ne sisi ange gi gilaadeu mee lagolago i dagodo agu hainga, aagai gilaadeu ne hai hainga nei bei ni mee gee.

Proverbs 17:6

Denga mogobuna go de hau i honga biho o de gau madumaatua, gai denga damana go de mahamaha o alaadeu dama.

De Beebaa go Job 11:12

Aagai tangada senga e dee maua naa donu gi heiangi, bei dahi donkey lodo henua e dee maua laa i de haanau dahi dangada.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Isaiah 43:27

Doo dubuna i taamada ne haisala; oodou dagi ne haisala mai gi de au.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’