Jeremiah 7:9 - De Beebaa Dabu

⁹ E aha, goodou e gaiaa laa ma de daa dangada, ma de dagodo haisala, ma de hagatoo donu i denga diinonga, ma de dudu mee maanongi ange gi Baal, aama de daumaha ange gi denga diinonga oodou e tee iloo i mua,

Jeremiah 7:9 Referans Kwoze

Jeremiah 7:6

noo goodou e dee vaivai hai de gau henua gee, ma denga gauligi gu deai olaadeu damana, ma haahine gu maakau olaadeu bodu, aama tee daa dangada gi maakau i de mommee nei, ma tee daudali ange i denga diinonga ga hagaduasala ai donu huu goodou,

Exodus 20:3

Aude haia hanu diinonga gee gi maolunga ange i de au.

Jeremiah 11:17

Tagi o denga hagabuulinga hebagi, go de ia ne dooa goe, gu hagamodu dahi hai ngadaa e hai adu gi de goe, go hiidinga baubau o dangada o Israel ma dangada o Judah gu hagadaemaha ogu lodo, i delaadeu dudu ange denga mee maanongi gi Baal.”

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

1 Kings 18:21

Gai Elijah ne humai ga duu i mada i mua o dangada alodahi, ga hai ange, “Dee hee maa taulooloa doodou lodo lagolago? Noo Iahweh go de Maadua, gai goodou daudali ange i de ia; aagai noo Baal go de Maadua, gai goodou daudali ange i de ia.” Gai dangada gu dee mmuu.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Romans 2:2

Gai gidaadeu e iloo bolo de hagamodu a de Maadua e heohi, gai ia e hagaduasala naa donu gilaadeu e haia mee nei.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Ezekiel 18:18

Aagai dono damana ne hai gi de mahi mee a dangada, ma de gaiaa mee a dono daina, aama de hai mee dee heohi i magavaa ono dangada; ia e magau naa i hiidinga ono haisala donu.

Jeremiah 44:3

go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.

Jeremiah 32:29

Gai de gau Babylon e hebagi ange nei gi de aduhale nei e ulu mai naa ga dudu de aduhale i de ahi, madali denga hale a dangada e dudu ai laa mee maanongi ange gi Baal i tua olaadeu hale, aama de sigidaumaha ange mee unu gi denga diinonga ga hidi mai ai dogu bole.

Jeremiah 13:10

De hagabuulingaa dangada baubau nei tee llodo e hagallongo mai gi de au, gai ne hagamakaga olaadeu lodo, gai ne hulo ga daudali ange i denga diinonga ma de daumaha ange gi gilaadeu, e bei donu dagodo o de mee nnoa ungaalodo nei — gilaadeu gu deai donu olaadeu haigamaiana!

Judges 5:8

De masavaa ne hili ange ai denga maadua hoou, gai de hebagi gu dae mai gi de henua. Gu deai mee hungihungi be se dao e gidee i daho e haasemada daane hebagi o Israel.

Deuteronomy 32:17

Gilaadeu ne sigidaumaha ange gi denga hagasaalunga baubau gilaadeu e dee ni maadua abodonu — ni maadua niilaadeu tee iloo i mua, ni maadua se goodo ssula age, gai ni mee niiodou dubuna madagidagi tee maatagu ai.

Isaiah 1:13

Gu lava oodou sigidaumaha dee haigamaiana e gaamai! Oodou mee maanongi ni mee hakino gee i ogu daha. Doodou hagabuni i de duu de maasina i dai ma denga Sabbath aama oodou hai daumaha — au e dee malangilangi i oodou baubau ma oodou hagabuni.

Isaiah 58:2

Laangi alodahi gai gilaadeu e ssala ngau, e dagodo be gilaadeu e llodo gi iloo e gilaadeu ogu haiava, gai e dagodo be gilaadeu se huaahenua e haia de mee heohi, gai gilaadeu tigi tili donu muna a delaadeu Maadua. Gilaadeu e ssili mai dagodo o ogu hagamodu heohi, e dagodo be gilaadeu e malangilangi i de hagabaa ange o de Maadua.

Jeremiah 1:16

Gai au e hagailoo adu dagodo o dagu hagaduasala ogu dangada, i hiidinga o alaadeu hegau baubau alodahi ma delaadeu tili au; gilaadeu ne dudu mee maanongi ange gi denga diinonga ma de daumaha ange gi mee alaadeu ne hai i olaadeu lima.

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Jeremiah 18:15

Aagai ogu dangada gu ngalo au, gilaadeu e dudu mee maanongi ange gi denga ngadi diinonga, gai denga diinonga gu hai gilaadeu gi dee maua i de seesee i de haiava madagidagi. Denga diinonga laa gu hai gilaadeu gi hulo i denga dao haiava gee, aama honga haiava tigi bae.

Jeremiah 19:4

Go hiidinga gilaadeu gu tili au, gai gu hai de mommee nei gi se mommee hakino gee, gilaadeu gu dudu mee maanongi e sigidaumaha ange ai gi denga diinonga, go diinonga olaadeu ma olaadeu dubuna madagidagi, aama denga hodooligi o Judah e dee iloo laa. Gai gilaadeu gu hagahonu honga de henua nei, i dodo o dangada tigi haisala.

Jeremiah 44:8

Gai gu aha goodou gu hai ai au gi lili i oodou hegau e hai, i doodou dudu mee maanongi e sigidaumaha ange ai gi denga diinonga i de henua go Egypt, go de mommee oodou ne hulo laa ga nnoho ai? Gai goodou e hagaduasala donu huu goodou, ma de hai goodou gi se mee hagamalaia, ma de hakadanga ai dangada o huaahenua alodahi i henua i lalo.

Jeremiah 44:9

Goodou gu ngalo naa dahulinga baubau a oodou dubuna madagidagi ne hai, ma denga hodooligi o Judah ma olaadeu bodu, ma oodou dahulinga baubau ma oodou bodu i de henua o Judah aama honga haiava o Jerusalem?

Jeremiah 48:35

Au e hai naa gi deai dangada i Moab e haia sigidaumaha i denga mommee daumaha ma de dudu mee maanongi ange gi olaadeu diinonga, go Tagi Maolunga e hagadaba.

Ezekiel 5:11

Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.

Ezekiel 23:39

De masavaa alaau ne daa ai alaau dama ga sigidaumaha ange gi olaau diinonga, de laangi laa gai gilaau ne ulu hogi i dogu mommee dabu ga hai gu dee gilimalali. Aanei alaau mee ne hai i lo togu hale.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Jeremiah 5:2

Gai ga hagataba naa donu gilaadeu, ‘Gimaadeu e hagatoo donu i de mouli o Tagi Maolunga’, aagai gilaadeu e dee hagatoo donu i de muna abodonu.”

Ezekiel 20:30

“Deenei ai, hai ange gi dangada o Israel, ‘E hagadaba de Ia Aamua go Iahweh: Goodou ga hai naa hogi gi hakino gee goodou bei hegau a oodou dubuna madagidagi, ma de llodo e dagodo haisala madali denga diinonga hakino gee naa?