Jeremiah 7:10 - De Beebaa Dabu

¹⁰ muli mai gai goodou ne loomai ga tuu i mada luoogu mada i lo te hale nei, go de hale hagaingoo i dogu ingoo, ga hagataba, ‘Gimaadeu gu ola!’ — aagai goodou e duudagi donu huu de hai mee hakino gee nei?

Jeremiah 7:10 Referans Kwoze

Jeremiah 32:34

Gai gilaadeu ne hao alaadeu diinonga hakino gee gi lo te hale iai dogu ingoo ga hai ai ga hakino gee.

Ezekiel 23:39

De masavaa alaau ne daa ai alaau dama ga sigidaumaha ange gi olaau diinonga, de laangi laa gai gilaau ne ulu hogi i dogu mommee dabu ga hai gu dee gilimalali. Aanei alaau mee ne hai i lo togu hale.

Ezekiel 23:37

Gilaau ne dagodo haisala ma de daa dangada ga maakau. Gilaau ne dagodo haisala madali olaau diinonga, ma de sigidaumaha ange alaau dama ne haanau mai gi de au, e hai ai alaadeu gai.

Jeremiah 34:15

Aagai iainei goodou gu daahuli oodou lodo, ma gu hai hegau i de heohi i mada luoogu mada: dahi ma dahi gi dugua gi ilaage dangada doodou henua, goodou ne hai hogi dahi hagatoo donu hagaheloongoi madali au i de hale iai dogu ingoo.

Jeremiah 7:30

“ Dangada o Judah gu hai de baubau i mada luoogu mada, go Tagi Maolunga e hagadaba. Gilaadeu gu hagatuu age olaadeu diinonga hakino gee i lo te hale e hagaingoo i dogu ingoo ma de hai ma gu hakino gee.

Jeremiah 7:14

Deenei ai, agu mee gu hai ange laa gi Shiloh, gai au e hai ange naa hogi gi de hale e hagaingoo nei i dogu ingoo, go de temple oodou e tali ange naa aagena, gai go de mommee aagu gu gaavadu gi goodou ma oodou dubuna.

Jeremiah 7:11

E aha, de hale e hagaingoo nei i dogu ingoo, gai goodou gu hai gi se mommee niio de gau gaiaa? Aagai au gu gidee donu mee nei, go Tagi Maolunga e hagadaba.

John 18:28

Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Ezekiel 23:29

Gai gilaadeu e hagaduasala naa goe i delaadeu llili, ga kave gee mee alodahi oou ne hai hegau ange aagena. Gilaadeu e tili naa goe i doo gilisau, gai koe e dogaa naa i de iloo mai doo hai be se manu. Mee ne hai adu naa gi de goe i hiidinga o au dahulinga hakino gee ma doo hai be se manu;

Ezekiel 20:39

Gai oodou dagodo, dangada o Israel, go de Ia Aamua go Iahweh e hagadaba: Dahi ma dahi gi hano gi daumaha ange gi ono diinonga! Aagai dua naa huu mee nei, gai goodou e hagallongo mai gi de au; goodou gu dee hagangadi mee dogu ingoo dabu i oodou mee ngadi gaavange ma oodou diinonga.

Isaiah 48:2

Goodou e hagataba bolo goodou ni dangada e dau ange gi de aduhale dabu, gai goodou e dau ange gi de Maadua o Israel; dono ingoo go Tagi o denga hagabuulinga hebagi.

2 Chronicles 33:7

Ia ne kave hogi dahi diinonga aana ne hai laa ga hagaduu i lo te hale o de Maadua, go de mommee a de Maadua gu hai ange laa gi David ma dana dama go Solomon, “Go de hale nei ma Jerusalem aagu gu hili i mommee alodahi o aamuli o de gau Israel, e hagadubu ai dogu ingoo ga hano ai.

2 Chronicles 33:4

Ia ne hagatuu hogi hanu mommee o ssigidaumaha i lo te hale o Tagi Maolunga, go de mommee a Tagi Maolunga gu hagadaba laa, “Jerusalem go de mommee e dagodo ai dogu ingoo ga hano ai.”

2 Kings 21:4

Ia ne hagatuu hogi hanu mommee o ssigidaumaha ⌊ange gi denga diinonga⌋ i lo te hale o Tagi Maolunga, go de mommee a Tagi Maolunga gu hai ange laa, “Jerusalem go de mommee e dugu ai dogu ingoo.”

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Jeremiah 44:9

Goodou gu ngalo naa dahulinga baubau a oodou dubuna madagidagi ne hai, ma denga hodooligi o Judah ma olaadeu bodu, ma oodou dahulinga baubau ma oodou bodu i de henua o Judah aama honga haiava o Jerusalem?

Ezekiel 33:25

Deenei ai, hai ange gi gilaadeu, ‘E hagadaba de Ia Aamua go Iahweh: Go hiidinga goodou gu gai kano iai dodo, ma de duudagi de daumaha ange gi oodou diinonga, aama de daa gi maakau dangada, gai e heohi ai naa doodou henua i de henua?

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Malachi 3:15

Aagai iainei gimaadeu e hagataba bolo go de gau hagamaolunga e manuuia. De gau baubau e hagadagadaga age, gai dangada e hagataalea de Maadua e ola.’ ”

1 Kings 9:3

Gai Tagi Maolunga ne hai ange gi de ia: “Au gu langona dau dalodalo ma dau dangidangi gu hai i mada luoogu mada; au gu hagadabu hogi de hale aau gu hagaduu nei e dugu ai dogu ingoo ga hano ai. Luoogu mada ma ogu lodo gu i kilaa i masavaa alodahi.

Ezekiel 5:11

Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.