Jeremiah 6:29 - De Beebaa Dabu

²⁹ Denga mee ili ahi, e hai ga mmahi de ahi e dudu ai gi deai lead, aagai e deai haigamaiana de duudagi de hagadanuaa mee nei; go hiidinga de gau baubau e dee maua donu i de hai gi gilimalali.

Jeremiah 6:29 Referans Kwoze

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Isaiah 49:4

Aagai au ne hagadaba, “Teai donu haigamaiana o agu hegau, au ne moumou ogu mahi i hanu ngadi mee. Gai go Tagi Maolunga e hagamodu ina dogu heohi, gai go dogu Maadua e gaamai dogu hagaoanga.”

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Judges 17:4

Gai de masavaa a taane laa ne hagaahe ange ai selevaa laa gi dono dinana, gai dono dinana ga vvae ange e lualau shekel selevaa gi dahi labagau o denga baalanga, gai ia ga hai ai dahi diinonga i laagau ma baalanga. Gai tiinonga laa ne kave ga dugu i de hale o Micah.

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Ezekiel 24:12

Au gu hai mee alodahi e maua i de hai ange aagena, gai denga hongagelegele baalanga tigi odi donu; dilia ange gi lo te ahi ma ono hongagelegele baalanga.