Jeremiah 6:26 - De Beebaa Dabu

²⁶ Ogu dangada, goodou kahu i malo daladala, ma de tige saele i lodo lehu; goodou tangi ma de tangi see bei doodou tangi i dahi dama dagidahi, go hiidinga e moolau naa donu de dae mai o tangada e oohaa gidaadeu.

Jeremiah 6:26 Referans Kwoze

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Jeremiah 4:8

Gai goodou gahu i malo daladala ma de hinangalosaa ma de tangi, go hiidinga de bole laumalie o Tagi Maolunga e dee hano gee naa donu i gidaadeu.

James 5:1

De gau lava, goodou nnoho mai hagalaangona. Goodou tangi ma de tangi see i hiidinga o denga hagaduasala gu dai tuu adu gi goodou.

James 4:9

Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Lamentations 4:10

Denga haahine e aaloha laa i alaadeu dama gu boale alaadeu dama ma gu hai ai alaadeu gai, i de masavaa ne hagaduasala ai tamaa hine a ogu dangada.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Lamentations 4:3

Denga jackal e hakaa unuunu donu hogi alaadeu dama, aagai ogu dangada e vaivai hai dangada, bei hegau a denga ostrich de vao.

Lamentations 3:48

Ogu loimada gu ssali bei dagodo o denga vai ssali, i hiidinga de daia ga maakau o ogu dangada.

Lamentations 2:11

Luoogu mada gu hhua i dogu dangi, gai gu dee baba ogu lodo; ogu lodo gu kona mmao de hinangalosaa i hiidinga ogu dangada gu maakau, gai denga gauligi ma gaagaa gu hiikai i honga denga haiava o de aduhale.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Jeremiah 15:8

Au e hai naa gi kii ange de soa haahine gu maakau olaadeu bodu, i denga gelegele i gabugabu tai. Au e gaamai tangada daa dangada gi hai baasi ange gi dinana o alaadeu dama daane i de madohi lua o de laangi. Au e daa hagalele naa donu huu dagu hai gi duu ange gi gilaadeu de mee hagamanavasaa ma de hagamaatagu.

Jeremiah 14:17

Daalaa ange muna nei gi gilaadeu: ‘Luoogu mada gu dee tuu donu de honu malingilingi i denga loimada i de laangi ma de boo; go hiidinga tamaa hine — go ogu dangada — gu hagailia gai dono maanuga e kona.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Jeremiah 8:21

Au gu mmae ogu lodo i de mmae lodo o ogu dangada; au gu dangi ma de hinangalosaa mmao ogu lodo.

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Jeremiah 6:14

Gilaadeu e saabini maanuga o ogu dangada e dagodo be e dee ni maanuga kona. Gilaadeu e hagataba, ‘Nnoho paba, nnoho paba,’ aagai e deai donu se nnoho paba.

Jeremiah 4:20

Gu lagolago mmao mee ne oha ga maoha, de henua alodahi gu maoha ma gu ngadi dagodo ai. Gai ne daa hagalele donu de maoha ogu hale malo, ma malo e buibui ai luu baasi.

Jeremiah 4:11

De masavaa laa gai e tala ange naa gi de huaadangada nei ma Jerusalem, “De madangi hagavvela e ssau mai naa i honga duuduu malaelae i de vao ga dau i dogu huaadangada, aagai e dee se madangi e nonu ai ma de hagagilimalali ai huamanu;

Isaiah 32:11

Goodou denga haahine duadonu e bolebole naa; goodou denga damaa hine nnoho paba e maatagu naa! Goodou e hagaui oodou malo, gai ga nnoa oodou ungaalodo i malo daladala.

Isaiah 30:13

deelaa ai, de baubau nei e bei naa dahi buibui maolunga gu mahangahanga laa ma gu puu mai denga hadu iai, gai e daa hagalele naa donu de maoha ga odi iho.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Isaiah 22:4

Deenei ai, au e hagadaba, “Goodou hulo gee mai i ogu daha; dugua donu huu au gi dangi see. Aude hagaaneane ina mai au, i dogu dangi i de oohaa o de aduhale o ogu dangada.”

Genesis 21:16

gai ia ga hano ga noho i de mommee mmao bei de mmao o tao e tili laa i de mee hholu, go hiidinga ia ne hagadaba, “Au e dee lodo gi gidee e au de magau o dagu dama.” Gai ia ga hano ga nnoho i de mommee laa ga dangi ai.

De Beebaa go Job 2:8

Gai a Job ne hai dahi dalaa gumedi hadu ga salusalu ai ono maanuga ma de noho i lodo lehu.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Jeremiah 18:22

Haia gi langona delaadeu oo ga tangi i lodo olaadeu hale, i de moolau de tae mai o de gau hebagi ga hebagi ange gi gilaadeu, go hiidinga gilaadeu gu geli dahi geelinga moogu, ma de dugu ssele e dada ai luoogu vae.

Lamentations 3:16

Ia ne uguugu ange luoogu mada gi honga denga giligili, ma de dagadagahi ange luoogu mada gi lodo lehu.

Jonah 3:6

Gai ga langona huu e de hodooligi o Nineveh muna laa, gai ia ga hidi age mai i dono nohoanga hodooligi, ga hagaui dono malo laa daha, gai ia ga gahu i malo daladala, ga noho i lodo lehu.

De Beebaa go Job 15:21

Ia e langona longo o mee hagamaatagu, gai de masavaa oona e noho baba ai, gai de gau daa dangada gu tae mai ga hebagi ange gi de ia.

Isaiah 3:24

Gilaadeu gu dee maanongi gai gu pilo; gu dee beele gai gu noonoa i denga daula; gu dee selu olaadeu biho gai gu malali olaadeu biho; gu dee kahu i malo danuaa gai go malo daladala; gilaadeu gu dee mahamaha gai gu maaga i de baalanga.

Jeremiah 30:5

“E hagadaba Tagi Maolunga: Gimaadeu gu langona de hevaalogi o de hellumi, ma de maatagu, e dee go de noho paba.