Jeremiah 6:11 - De Beebaa Dabu

¹¹ Aagai au gu honu i de bole o Tagi Maolunga, au gu dee maua i de golomagi dogu bole. ⌊Gai e hagadaba Tagi Maolunga,⌋ “Haia gi hano iho lili gi denga gauligi i honga de haiava, ma denga dama daane gu hagabuni laa; gai e duu ange naa hogi gi taane ma dono bodu, ma de gau maatua, aama de gau madumaatua.

Jeremiah 6:11 Referans Kwoze

Jeremiah 20:9

Aagai noo au e hagadaba, “Au e dee tala naa donu ono dagodo aabe e ahe ange e basa i dono ingoo,” gai ana muna i ogu lodo e bei de ahi ula, se ahi e pono ange i lodo ogu ivi; au gu dalea mmao i de daohi, ni muna abodonu, au gu dee maua i de daohi.

Jeremiah 9:21

De magau gu gage mai laa lodo odaadeu abaaba vaaligiligi, ma gu ulu gi lodo odaadeu hale danuaa; gai gu daa ma gu maakau denga gauligi i honga haiava ma denga dama daane i mommee e hagabuni ai dangada.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Revelation 16:1

Gai au ne langona ange hogi dahi leo i lo te temple e basa ange gi denga dangada de langi dogohidu laa ma e hai ange, “Goodou hulo liingia ange gi henua i lalo mee i lodo boolo e hidu o de bole o de Maadua!”

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 17:16

Gai de masavaa o Paul e noho ai ma e tali gilaau i Athens, gai ia gu daemaha ono lodo i dana gidee bolo de aduhale laa e honu i denga diinonga.

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Luke 17:34

Au e hai adu gi goodou, e dogolua naa dangada e daakodo i honga de moenga i de boo laa; gai dahi e gaavee gee naa gai dahi e deai.

Ezekiel 9:6

Daia gi maakau denga daane maatua, ma denga dama daane ma damaa hine, ma denga gauligi ma denga haahine, aagai goodou aude poo ange gi dangada gu lava laa i de maaga. Gai goodou daamada mai i de mommee dabu.” Gai gilaadeu ne daamada de daa denga dagi e tuu laa i ma te temple.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Isaiah 40:30

Denga dama daane e daalea donu hogi ma odi olaadeu mahi, denga dama daane e baakuu donu;

Jeremiah 15:6

Koe ne tili au, go Tagi Maolunga e hagadaba; koe tee modu de ahe dua. Deelaa ai, au e hagaabo naa dogu lima e hagaduasala ai goe; au gu dalea i de golomagi ogu lodo.

Jeremiah 15:17

Au tee noho madali de gau doo mee, aabe ne malangilangi madali gilaadeu; au ne noho sogosogo, go hiidinga doo lima ne daohi au, gai koe gu hai gi kona dogu lili.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Ezekiel 3:3

Gai ia ne hai mai gi de au, “Tama a tangada, gaina de beebaa mulo aagu e gaavadu nei gi de goe haaoa ai lo too dinae.” Gai au ne gai de beebaa laa; gai e maimai bei de maimai o denga hooni i lo togu ngudu.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Jeremiah 5:9

E aha, au e dee hagaduasala naa gilaadeu i hiidinga o mee nei? go Tagi Maolunga e hagadaba. E aha, au e dee sui ange naa hegau a de huaahenua e haia mee nei?

Jeremiah 9:20

Denga haahine, goodou hagalaangona muna a Tagi Maolunga, huugea oodou dalinga hagalaangona ai ana muna. Agoagona ange oodou damaa hine i de hai e hai ai tangi see, gai goodou hagadau agoagona i de hai tau ange gi de magau.