Jeremiah 52:7 - De Beebaa Dabu

⁷ Gai gu oohaa ga masaavava de buibui o de aduhale, gai denga daane hebagi alodahi ne saavini ga hulo gee. Gilaadeu ne ssao ga hulo laa lo te haitoga i magavaa luu buibui, i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Jeremiah 52:7 Referans Kwoze

Jeremiah 51:32

Mommee e hulo ai laa lo te vai gu gaavee, gai denga mommee buibui makaga gu dudu i de ahi, gai denga daane hebagi gu maatagu.”

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Jeremiah 49:26

Deelaa ai, ono dama daane mmahi e maakau naa i honga ono haiava, ono daane hebagi alodahi e hagallilo naa i de laangi laa, go Tagi o denga hagabuulinga hebagi e hagadaba.

Deuteronomy 32:30

Dee hee de hai a dahi dangada ne maua ai laa i de doolohi e mano dangada, gai e dogolua dangada ne hagadee kii e dahisemada dangada? Deelaa donu huu noo delaadeu Baba gu tili gilaadeu, gai Tagi Maolunga gu hano gee i gilaadeu.

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

Leviticus 26:36

Gai au e hai naa gi maatagu dangada e doe i de henua o olaadeu hagadaumee. Gilaadeu e maatagu naa ga saavini i de ssau mai o de madangi ga ili saele denga lau manu. Gilaadeu e saavini naa bei dagodo o tangada e savini ga hano gee mai i de gadilaasa, gai gilaadeu e baakuu naa donu, e dee galemu e deai donu dangada e dolohia gilaadeu.

Leviticus 26:17

Gai au e huli adu naa ga hai baasi adu gi goodou, ma de hai oodou hagadaumee gi hagadee kii ina goodou; gai dangada e kino laa i goodou e dagi naa goodou, gai goodou e maatagu naa ga saavini gai e deai donu dangada e dolohia goodou.

Jeremiah 34:22

Gai au e tala naa dahi hagailoo, go Tagi Maolunga e hagadaba, gai au ga hagaahe mai ai gilaadeu gi de aduhale nei. Gai gilaadeu e hebagi ange naa ga hagadee kii de aduhale nei ga dudu i de ahi. Au e hai naa denga aduhale o Judah gi se mommee e ngadi daakodo, gai gi deai dangada e nnoho ai.”

Jeremiah 39:2

Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Ezekiel 12:12

Delaadeu dagi e hagauda naa hogi dono sabiningaa mee gi honga dono eu madali gilaadeu i de gohugohu de mee ga sao ai ga hano; gai gilaadeu e geli naa dahi mommee i lo te buibui e ssao ai e hulo. Gai ia e haoli naa luoono mada gi dee gidee ai e ia de henua.

Ezekiel 33:21

Gai de madaangahulu ma lua ngadau huu i de lima laangi o de madaangahulu malama, gai dahi daane ne ola ga savini mai i Jerusalem gi ogu daha, ga hai mai, “De aduhale o Jerusalem gu hagadee kii ina!”

Amos 4:3

Goodou e ssao naa ga hulo i lodo mommee maoha i de buibui o de aduhale, gai goodou alodahi e hagasoe naa ga hulo; goodou e maga naa gi de baasi ange gi Harmon, go Tagi Maolunga e hagadaba.

Jeremiah 6:5

Hiihidi age, gidaadeu ga hebagi i de boo e oha ai denga hale danuaa!”

Ezekiel 12:4

Gai koe ga dada mai oo goloa gu lava laa i de hhao e hano ai goe, i madamada o dangada i de masavaa e ao ai de mee. Gai de ahiahi naa huu, gai koe ga seesee ga hano gee i madamada o dangada, bei dagodo o dangada e gaavee laa gi dahi henua gee.