Jeremiah 52:6 - De Beebaa Dabu

⁶ Gai ssiva laangi huu o de haa malama o de ngadau laa, gai gu kona de onge i lo te aduhale laa, gu deai gai a dangada.

Jeremiah 52:6 Referans Kwoze

Jeremiah 39:2

Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Isaiah 3:1

Tilo, de Ia Aamua, Tagi o denga hagabuulinga hebagi e kave gee naa de bale o Jerusalem ma Judah ma goloa olaau e tali hagalodolodo ange laa aagena, ma denga gai alodahi, ma vai alodahi;

Jeremiah 38:9

“Dogu dangada aamua go de hodooligi, denga daane nei gu kona de baubau alaadeu mee ne hai ange gi de pelaabisi go Jeremiah. Gilaadeu gu tili ange ia gi lo te mommee e hagasahu ange aagena vai; gai ia e magau naa donu i kilaa, i hiidinga gu deai donu gai i de aduhale.”

2 Kings 25:3

Gai ssiva laangi huu o de haa malama o de ngadau laa, gai gu kona de onge i lo te aduhale, gu deai donu gai a dangada.

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Ezekiel 14:21

Gai e hagadaba de Ia Aamua go Iahweh: Jerusalem e kii ange naa donu de baubau i de masavaa aagu e gaamai ai denga hai ngadaa e haa nei ga hagaduasala ai gilaadeu — go de gadilaasa, ma de onge, ma denga manu alasala, aama mee hagamaakau — ga daa ai gi maakau dangada aama denga manu!

Ezekiel 7:15

De gadilaasa i tua de aduhale, gai de mee hagamaakau ma de onge i lo te aduhale; tangada i tua de aduhale e daia naa ga magau i de gadilaasa, gai tangada i lo te aduhale e magau naa i hiidinga o de onge ma de mee hagamaakau.

Lamentations 5:10

Omaadeu gili gu vvela bei de mommee dao gai, gai gu mahanahana i demaadeu hiikai.

Jeremiah 25:10

Au e hai naa hogi gi deai se malangilangi aabe se lodo danuaa, be go leo o dahi daane ma dono bodu i kilaa, aabe go de leo o denga hadu mmili, aabe go de maalama o de laama e gidee i kilaa.

Jeremiah 21:9

Tangada e noho i de aduhale nei e daia naa ga magau, i de gadilaasa ma de onge aama de mee hagamaakau. Gai tangada e hano laa ga dau ange gi de gau Babylon, go dangada gu loomai nei ma e duuli luu baasi de aduhale e mouli naa; ia e hagaola naa donu huu dono mouli.

Jeremiah 19:9

Gai au e hai naa gilaadeu gi gaina kano o alaadeu dama daane ma alaadeu damaa hine. Gai gilaadeu e hagadau gai naa olaadeu kano, i de masavaa o de hebagi, gai olaadeu hagadaumee e duuli de aduhale, ma de nnoho e daa gilaadeu gi maakau.’

Jeremiah 15:2

Gai noo gilaadeu e ssili adu, ‘Go hee omaadeu e hulo aagena?’ gai koe ga hai ange, ‘E hagadaba Tagi Maolunga: Gilaadeu gu hagababa ange e maakau, e maakau; gilaadeu gu hagababa ange gi de gadilaasa, e daia i de gadilaasa; gilaadeu gu hagababa ange gi de onge, e maakau i de onge; gilaadeu gu hagababa e kave gi dahi henua gee, e gaavee gi dahi henua gee.’

Deuteronomy 32:24

Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.

Leviticus 26:26

De masavaa naa huu aagu e hai ai gi deai oodou gai, gai e dinoangahulu haahine e dao naa alaadeu momo pelaoaa i e dahi umu, gai gilaadeu e hagahidi naa pelaoaa laa ga duha dagi de momo. Goodou e gaimee naa, gai e dee maua gi boobosu.

Jeremiah 37:21

Gai de hodooligi go Zedekiah ne hagadaba bolo gi gaavee Jeremiah gi haoa gi lo te buibui o de gau hagaloosi. Laangi alodahi, gai gilaadeu ne gaavange gi de ia dahi duudangaa pelaoaa mai i daho de gau hai pelaoaa, ga dae ai gi de odi pelaoaa i de aduhale. Gai Jeremiah ne noho i lo te buibui o de gau hagaloosi.

Lamentations 1:11

Ono dangada alodahi gu duasala i delaadeu hulo ga ssala alaadeu gai. Gilaadeu ne hagahesuihagi olaadeu goloa hagamogomogo i hanu gai, gi dee maakau ai gilaadeu. “Tagi Maolunga, galo mai diiloo dagodo o dogu hagangadi mee ina.”

Ezekiel 5:16

de masavaa aagu e tili ai goodou i denga dao o de mee hholu, go dao hagamaakau o de onge, go dao e hagammae ai goodou, gai au e tili naa donu e daa ai goodou gi maakau. Gai au e aheahe ange naa e hai gi onge goodou gi deai ai oodou gai.

Ezekiel 14:13

“Tama a tangada, de masavaa naa huu o dangada i de henua e haisala mai ai gi de au ma de daahuli gee mai i de au, gai au e hagaabo naa dogu lima ga hagaduasala ai gilaadeu, ma de hai gi deai alaadeu gai i dagu gaamai de onge gi honga de henua, ga daa ai dangada ma manu gi maakau,

Ezekiel 31:1

Gai de madaangahulu ma dahi ngadau huu i tahi laangi o tolu malama, gai Tagi Maolunga ne hagaago mai ana muna gi de au, ga hai mai,