Jeremiah 52:33 - De Beebaa Dabu

³³ Gai Jehoiachin ne hagaui ono malo nogo gahu ai i lo te hale pono, gai ia ne gaimee i teebele o de hodooligi i laangi alodahi i taulooloa dono mouli.

Jeremiah 52:33 Referans Kwoze

2 Samuel 9:7

Gai David ga hai ange gi de ia, “Aude madagu, go hiidinga au e abodonu adu donu gi de goe i hiidinga o doo damana go Jonathan. Au e hagaahe adu naa gi de goe alahenua alodahi o Saul, doo dubuna; mai ailaa nei ga hano ai, gai koe e gaimee madali au.”

1 Kings 2:7

Aagai koe abodonu ange gi denga dama a Barzillai, taane Gilead, gilaadeu ni dangada hogi e gaimee madali goe i doo deebele. Go hiidinga gilaadeu ne abodonu mai gi de au i de masavaa oogu ne hano ai e mmuni i doo daina go Absalom.

2 Samuel 9:13

Gai Mephibosheth ne noho i Jerusalem, go hiidinga laangi alodahi gai ia e gaimee madali de hodooligi. Gai luoono vae e balagelage.

Genesis 41:42

Gai Pharaoh ga unusi de buulei iai laa dono hagailonga mai i dono lima, ga ulumagi ange gi de lima o Joseph, gai ia ga hai gi hakahudia ange ia i malo linen danuaa, ma de hagauda ange dahi hau goolo gi dono ua.

Genesis 41:14

Gai Pharaoh ga aalu gi gaamai Joseph, gai gilaadeu ga hagamoolau ga hagasao mai ia i lo te hale pono; gai ia ga dahi dono biho ga sui ono malo, ga humai ga duu i mada i mua o Pharaoh.

Zechariah 3:4

Gai tangada de langi ne hai ange gi gilaadeu e tuu i ono mada i mua, “Hagauia ono malo vai gelegele naa.” Gai ia ne hai ange gi Joshua, “Tilo, au gu kave gee oo baubau, gai ga hakahu adu goe i hanu malo hoou.”

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

2 Kings 25:29

Gai Jehoiachin ne hagaui ono malo nogo gahu ai i lo te hale pono, gai ia gu gaimee i teebele o de hodooligi i laangi alodahi, i taulooloa dono mouli.