Jeremiah 52:24 - De Beebaa Dabu

²⁴ Gai tagi o de gau hagaloosi ne kave tangada haimeedabu maolunga go Seraiah, ma Zephaniah dono dogolua, aama e dogodolu daane e hagaloosia ange de haitoga o de hale daumaha.

Jeremiah 52:24 Referans Kwoze

2 Kings 25:18

Gai tagi o de gau hagaloosi ne kave tangada haimeedabu maolunga go Seraiah, ma dono dogolua go Zephaniah, aama e dogodolu daane e hagaloosia ange de haitoga o de hale daumaha.

Jeremiah 37:3

Gai de hodooligi go Zedekiah ne hai Jehucal tama daane a Shelemiah, ma tangada haimeedabu go Zephaniah, tama daane a Maaseiah, gi hulo gi daho de pelaabisi go Jeremiah, gi hai ange, “Dangidangi ange gi Tagi Maolunga, taadeu Maadua i omaadeu hiidinga.”

Jeremiah 35:4

Gai au ne gaamai gilaadeu gi de hale o Tagi Maolunga, i de aabi o denga dama a Hanan tama daane a Igdaliah, taane hai hegau o de Maadua, e baa ange laa gi de aabi o denga dagi o de henua, gai i honga de aabi o Maaseiah tama daane a Shallum, taane e hagaloosia de haitoga.

Jeremiah 29:25

“E hagadaba Tagi o denga hagabuulinga hebagi, de Maadua o Israel: Koe ne sisi hanu leda i doo ingoo ga kave gi dangada alodahi i Jerusalem, ma Zephaniah tama a Maaseiah tangada haimeedabu aama de gau haimeedabu alodahi ange laa, ga hai ange,

Jeremiah 21:1

Gai Tagi Maolunga ne hagaago ange ana muna gi Jeremiah, i de masavaa a de hodooligi go Zedekiah ne hai ai gi loomai Pashhur tama a Malkiah, ma tangada haimeedabu go Zephaniah, tama daane a Maaseiah, gi hai mai,

1 Chronicles 6:14

Azariah ne hagadili Seraiah, Seraiah ne hagadili Jehozadak.

Jeremiah 52:15

Gai Nebuzaradan, tagi o de gau hagaloosi, ne kave gee mai i de henua hanu dangada hagaau aloha, ma dangada e doe i de aduhale, madali denga labagau e doe, aama dangada ne hagabuni ange laa gi de hodooligi o Babylon.

Jeremiah 29:29

Gai tangada haimeedabu go Zephaniah ne dau ange de leda laa gi de pelaabisi go Jeremiah.

Ezra 7:1

Dua mee nei, i de masavaa o Artaxerxes, de hodooligi o Persia, gai Ezra ne humai i Babylon. Ia go tama daane a Seraiah, tama daane a Azariah, tama daane a Hilkiah,

Jeremiah 52:12

Gai de madaangahulu laangi huu o de lima malama i de madaangahulu ma siva ngadau o Nebuchadnezzar, de hodooligi o Babylon, gai Nebuzaradan, tagi o de gau hagaloosi gai se dagi i lalo o de hodooligi o Babylon ne humai gi Jerusalem.

Psalm 84:10

Dahi laangi i lo too hale e danuaa ange i e mano laangi i dahi mommee ange. Au e kii ange dogu lodo gi se dangada hagaloosi i de haitoga o de hale o dogu Maadua i dogu noho i de hale o tangada baubau.

2 Kings 23:4

Gai de hodooligi ga hai ange gi Hilkiah, tangada haimeedabu maolunga, ma de gau haimeedabu i ono lalo, ma gilaadeu e hagaloosi ina de haitoga gi aaua gee denga goloa alodahi o Baal ma Asherah, ma goloa alodahi e daumaha ange ai gi denga heduu, mai i lo te temple o Tagi Maolunga. Gai ia ne kave mee laa ga dudu i tua de buibui o Jerusalem i lo te geelonga go Kidron, ma de kave denga lehu gi Bethel.

Jeremiah 34:21

Gai au e dugu ange naa Zedekiah, de hodooligi o Judah, ma denga dagi gi olaadeu hagadaumee, go dangada e saalaa gilaadeu e daa gi maakau, ma de hagabuulinga hebagi o de hodooligi o Babylon gu hulo gee mai laa i oodou daha.

Lamentations 4:16

Tagi Maolunga ne hai gi mavaevae saele gilaadeu, ia gu dee anga ange donu gi gilaadeu; de gau haimeedabu gu dee hagadubulia, gai dangada gu dee abodonu ange gi denga dagi.

Ezekiel 11:7

Deenei ai, e hagadaba de Ia Aamua go Iahweh: Dangada oodou gu daa ma gu maakau i lo te aduhale, go denga kano, gai de aduhale nei go de anibada i honga de ahi; aagai au e hagassao mai naa donu goodou i lo te aduhale nei.

Ezekiel 24:5

hilihilia denga manu danuaa hugadoo i de hagabuulingaa ssiibi. Hagataulia age denga lahhie i lalo de anibada; ga boale ai ma de dunu denga ivi i ono lodo.

Ezekiel 34:10

E hagadaba de Ia Aamua go Iahweh: Tilo, au e hai baasi ange gi de gau hagaloosi ssiibi ma de dau ange gi gilaadeu mee gu hai ange gi agu ssiibi. Au e aau gee naa gilaadeu gi dee diiloo ange de hagabuulingaa ssiibi, gi dee maua ai e gilaadeu i de haangai donu huu gilaadeu. Gai au e hagaola naa agu ssiibi mai i gilaadeu, gi dee gaina ai e gilaadeu agu ssiibi.

Jeremiah 20:4

Gai e hagadaba Tagi Maolunga, ‘Tilo, au e hai naa goe gi se mee hagamadagu adu donu huu gi de goe aama ange gi oo soa alodahi; gai koe e gidee naa de daa ga maakau o oo soa i gadilaasa a olaadeu hagadaumee. Gai au e dugu ange naa Judah alodahi gi de hodooligi o Babylon; ia e kave naa hanu dangada gi Babylon, gai ga daa hanu gi maakau i de gadilaasa.