Jeremiah 52:22 - De Beebaa Dabu

²² De ulu o dahi duludulu bronze laa se lima sugilima tuuduu, gai e hagalaagii i gaini ma pomegranate; mee alodahi ne hai i bronze. Gai e bei ai hogi tuludulu ange laa ma ono pomegranate.

Jeremiah 52:22 Referans Kwoze

2 Chronicles 3:15

Ia ne hai hogi e lua duludulu ga hagatuu i ma te hale, dahi duludulu laa se matolu ma lima sugilima tuuduu, gai de mee hagalaagii i ulu o dahi duludulu laa se lima sugilima.

2 Kings 25:17

Gai tuuduu o dahi duludulu laa se madaangahulu ma valu sugilima; gai de mee i ulu o tuludulu laa se dolu sugilima tuuduu, gai e hagalaagii luu baasi i denga gaini ma pomegranate; mee alodahi ne hai i bronze. Gai e bei ai hogi tuludulu ange laa ma dono gaini.

Exodus 28:25

gai bido gee o luu seeini laa ga hagamakaga ange gi honga luu gaini goolo, ga hagabigibigi ange gi honga luu eu o de ephod i mada i mua.

1 Kings 7:20

Gai luu mee e dugu ange laa gi ulu luu duludulu laa, e dugu ange hogi gi honga de mommee e hagasagasaga mai laa gi daha i gaogao de gaini, gai dahi mee laa e hagabigibigi ange aagena e lualau pomegranate, gai se lua hagataaunga o mee laa.

1 Kings 7:42

de haalau pomegranate ange gi gaini e lua laa (e lua hagataaunga i dahi gaini, e hagalaagii ai denga mee be ni boolo i ulu luu duludulu laa);