Jeremiah 51:9 - De Beebaa Dabu

⁹ Gimaadeu ne hagatale de hai gi ieiangi Babylon, aagai ia tee maua gi ieiangi. Gidaadeu ga tili ia, gai dahi ma dahi gi hano gi dono henua; go hiidinga dono hagaduasala gu dae age loo gi lo te langi gai gu maolunga donu bei denga giliiga.

Jeremiah 51:9 Referans Kwoze

Revelation 18:5

go hiidinga ono haisala gu hagabudubudu ma gu tae age loo gi de langi, gai de Maadua goi manadua donu ono baubau.

Jeremiah 50:16

Gaavee gee mai i Babylon tangada e dooa mee, aama tangada e duuduudia manu i de masavaa o de hagihagi; i hiidinga de gadilaasa e daia dangada, dangada alodahi gi aahe gi daho olaadeu dangada donu, gai dangada alodahi gi saavini gi hulo gi olaadeu henua donu.

Isaiah 13:14

Dangada e bei naa dahi dia e dolohia laa, aabe go denga ssiibi e deai selaadeu ia hagaloosi, gai dahi ma dahi e ahe naa gi daho ono dangada, dahi ma dahi e ahe naa gi dono henua donu.

Jeremiah 46:16

Gilaadeu gu dee modu de baakuu; gai gilaadeu e hagadau pasa ma e hagataba, ‘Hiihidi age, gidaadeu ga aahe gi daho odaadeu dangada ma taadeu henua, gidaadeu ga hulo gee i de gadilaasa a de hagadaumee.’

Ezra 9:6

ga dalodalo, ga hai ange: “Dogu Maadua, au gu dogaa mmao i de dangage age luoogu mada e galo age gi de goe, go hiidinga omaadeu haisala gu maolunga ange i omaadeu biho, gai omaadeu sala gu tae age donu gi de langi.

Jeremiah 46:21

Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 8:20

⌊Dangada e hagadaba,⌋ “De masavaa o de hagihagi gu ui, gai gu ui de masavaa mahanahana, gai gimaadeu e tee ola.”

Isaiah 47:15

Gai de gau bee nei, go gilaadeu nogo hai hegau madali goe, ma de hulo saele madali goe mai i doo gauligi, gilaadeu alodahi e duudagi donu de hulo gee i de haiava, gai e deai donu se gilaadeu e maua i de hagaola goe.

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

Revelation 18:4

Gai au ne langona ange hogi dahi leo mai i de langi, e hagadaba, “Ogu dangada, goodou ssao hulo gee mai i ono daha, gi dee gaavee ai goodou ono haisala, gai gi dee tae mai ai denga mee hagamaakau gi goodou;

Hosea 7:13

E vakaa naa gilaadeu, go hiidinga gilaadeu gu daahuli gee i de au! Daia gilaadeu gi maakau, go hiidinga gilaadeu gu hai baasi mai gi de au! Au ne lodo mmao e hagaola gilaadeu, aagai gilaadeu e hadu muna i de au.